Viðskipti innlent

Norvik eignast 95 prósent í ní­tján milljarða króna fé­lagi

Árni Sæberg skrifar
Jón Helgi Guðmundsson, oftast kenndur við Byko, er aðaleigandi fjárfestingafélagsins Norvik.
Jón Helgi Guðmundsson, oftast kenndur við Byko, er aðaleigandi fjárfestingafélagsins Norvik. Norvik

Mikill meirihluta hluthafa í Bergs Timber AB, sem starfar í alþjóðlegum timburiðnaði, hefur samþykkt yfirtökutilboð íslenska félagsins Norvik. Norvik á eftir yfirtökuna ríflega 95 prósent hlutafjár í Bergs en átti fyrir um 59 prósent hlut.

Í fréttatilkynningu segir að Norvik, sem á meðal annars Byko, hafi sent tilkynningu til sænsku kauphallarinnar um niðurstöðu á valfrjálsu yfirtökutilboði í allt hlutafé Bergs. Tilboðið hafi hljóðað upp á gengið 44,50 sænskar krónur fyrir hvern hlut í Bergs í reiðufé. Fyrir tilboðið hafi Norvik átt 58,7 prósent hlutafjár í Bergs og tilboðið því beinst að 41,3 prósent hlut í félaginu í eigu ríflega 12.000 hluthafa.

Miðað við gengi upp á 44,5 sænskar krónur er vermæti Bergs 19,3 milljarðar íslenskra króna.

Tilboðsfresturinn hafi runni út í dag og eigendur að 36,7 prósent hlut í Bergs hafi samþykkt tilboðið, sem feli í sér að samtals eignarhlutur Norvik í félaginu mun nema 95,4 prósent. 

Allir fyrirvarar tilboðsins, meðal annars samþykki samkeppnisyfirvalda á Íslandi og í Lettlandi, hafi verið uppfylltir og viðskiptin muni því ganga í gegn með uppgjöri þann 30. nóvember. 

Norvik hafi veitt þeim hluthöfum sem ekki hafa þegar gengið að tilboðinu viðbótarfrest til 12. desember til að samþykkja tilboðið. Norvik muni óska eftir afskráningu Bergs úr kauphöllinni Nasdaq Stockholm og innlausn útistandandi hluta í Bergs.

Kaup og sala fyrirtækja Svíþjóð Byggingariðnaður


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið