Viðskipti innlent

Kristján er nýr regluvörður Kviku banka

Oddur Ævar Gunnarsson skrifar
Kristján Valdimarsson er nýr regluvörður.
Kristján Valdimarsson er nýr regluvörður.

Kristján Valdimarsson hefur verið ráðinn í starf regluvarðar Kviku banka. Kristján tekur við starfinu af Ernu Heiðrúnu Jónsdóttur sem hefur tekið við sem ritari stjórnar bankans og mun starfa á lögfræðisviði. Regluvörður heyrir undir forstjóra bankans.

Þetta kemur fram í tilkynningu. Þar kemur fram að Kristján hafi yfir áratugs reynslu af störfum á fjármálamörkuðum og á eftirlitsstarfsemi fjármálafyrirtækja og hefur jafnframt sinnt lögmannsstörfum. Þá er hann fyrrverandi leikmaður knattspyrnufélagsins Fylkis og á að baki yfir tvö hundruð leiki.

Kristján sat í um fjögur ár í framkvæmdastjórn Borgunar hf. sem regluvörður, hefur starfað sem sérfræðingur í regluvörslu hjá Íslandsbanka og Rapyd og sem lögfræðingur hjá Fjármálaeftirlitinu, meðal annars við vettvangs- og verðbréfaeftirlit. Þar áður var Kristján lögmaður á Íslensku Lögfræðistofunni og í lögfræðideild hjá Landsbanka Íslands í slitameðferð (LBI).

Kristján hefur verið héraðsdómslögmaður frá árinu 2011 og lauk M.L. gráðu frá Háskólanum í Reykjavík á árinu 2010 og áður B.A. gráðu frá sama skóla. Hann hefur jafnframt lokið prófi í verðbréfaviðskiptum.

Vistaskipti Kvika banki Íslenskir bankar


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið