Innlent

Á­kærður fyrir að stinga mann tvisvar í brjóst­hol á bíla­stæði í Breið­holti

Jón Þór Stefánsson skrifar
Árásin átti sér stað í Breiðholti. Myndin er úr safni.
Árásin átti sér stað í Breiðholti. Myndin er úr safni. Vísir/Vilhelm

Karlmaður hefur verið ákærður fyrir að stinga annan mann tvisvar sinnum með hníf í brjóstholið og veitt honum slæma áverka fyrir vikið. Aðalmeðferð málsins fer fram í næstu viku.

Atvikið sem málið varðar átti sér stað árið 2021. Í ákæru segir að það hafi gerst á bílastæði, en samkvæmt heimildum Vísis var það í Breiðholti í Reykjavík.

Annað stungusárið var fyrir framan brjóstkassa brotaþolans og var sex sentímetra langt og töluvert djúpt. Í ákæru segir að það hafi náð að fleiðru, eða brjósthimnu.

Hitt stungusárið var átta sentímetra langt og fyrir framan brjóstkassa. Þá segir að það hafi næstum því náð að fleiðru og hafi ollið afrifubroti frá herðablaði.

Það er héraðsaksóknari sem rekur málið í Héraðsdómi Reykjavíkur, en maðurinn er ákærður fyrir tilraun til manndráps og er þess krafist að hann verði dæmdur til refsingar og að hann greiði allan sakarkostnað.

Þá krefst brotaþoli málsins þriggja milljóna króna í miskabætur.

Dómsmál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið