Flest eftir bókinni í fyrstu um­ferð VÍS-bikarins

Stjarnan tók á móti Þór í fyrsta leik dagsins og jafnframt þeim eina þar sem úrvalsdeildarlið mættust. Stjarnan fór með sigur af hólmi í hörkuleik en nánar var fjallað um þann leik á Vísi fyrr í dag.

Einn leikur fór fram kvennamegin og þar fór úrvalsdeildarlið Njarðvíkur frekar létt með KR sem leikur í 1. deild, lokatölur í Vesturbænum 55-86. Njarðvíkingar nýttu tækifærið og rúlluðu vel á sínu liði þar sem allir leikmenn sem voru í hóp komu við sögu og enginn spilaði undir tíu mínútum.

Í hinum fjórum leikjunum karlamegin var aðeins boðið upp á spennu í einum leik þar sem KR B, sem leikur í 2. deild, var hársbreidd frá því að slá út lið Ármanns sem leikur í 1. deild. Lokatölur 94-96 en KR-ingar fengu gullinn séns til að stela sigrinum en þriggjastiga skot Ellerts Arnarssonar geigaði á lokasekúndunum.

Úrvalsdeildarlið Hauka, Hattar og Tindastóll fóru öll létt í gegnum sínar viðureignir en liðin mættu sóttu öll 1. deildarlið heim í kvöld. Snæfellingar áttu sérstaklega erfitt uppdráttar gegn Hetti og töpuðu leiknum með 53 stiga mun og skoruðu aðeins 54 stig.

Úrslit kvöldsins:

VÍS bikar karla – 32 liða úrslit

Þór Akureyri - Haukar 77-105

Snæfell - Höttur 54-107

KR - Ármann 94-96

ÍR - Tindastóll 64-94

VÍS bikar kvenna – 32 liða úrslit

KR - Njarðvík 55-86