Viðskipti innlent

Ís­lands­banki hækkar vexti um allt að 0,8 prósentu­stig

Árni Sæberg skrifar
Jón Guðni Ómarsson, bankastjóri Íslandsbanka.
Jón Guðni Ómarsson, bankastjóri Íslandsbanka. Vísir/Vilhelm

Íslandsbanki mun hækka vexti á inn- og útlánum frá og með mánudegi. Fastir vextir óverðtryggðra húsnæðislána hækka mest, eða um 0,8 prósentustig.

Í tilkynningu á vef Íslandsbanka segir að rétt sé að vekja athygli á því að í skilmálum óverðtryggðra húsnæðislána með breytilegum vöxtum, sem veitt voru á tilgreindu tímabili á árunum 2012 til 2021, eru ákvæði sem heimila viðskiptavinum að sækja um vaxtagreiðsluþak.

Vaxtabreytingar sem taka gildi á mánudag eru eftirfarandi:

  • Vextir á verðtryggðum innlánsreikningum hækka um allt að 0,50 prósentustig.
  • Breytilegir vextir verðtryggðra húsnæðislána hækka um 0,35 prósentustig.
  • Fastir vextir verðtryggðra húsnæðislána til 5 ára hækka um 0,75 prósentustig.
  • Breytilegir verðtryggðir kjörvextir hækka um 0,50 prósentustig.
  • Fastir vextir óverðtryggðra húsnæðislána til 3 ára hækka um 0,80 prósentustig.
  • Fastir vextir óverðtryggðra húsnæðislána til 5 ára hækka um 0,80 prósentustig.

Breytingar á lánum sem falla undir lög um neytendalán eða lög um fasteignalán til neytenda taka þó gildi í samræmi við skilmála þeirra og tilkynningar þar að lútandi.

Íslenskir bankar Íslandsbanki Efnahagsmál Neytendur

Tengdar fréttir

Arion hækkar ýmist eða lækkar vexti

Arion banki hækkar ýmist eða lækkar inn-og útlánavexti sína í dag, í kjölfar ákvörðunar Seðlabankans um óbreytta stýrivexti.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið