Viðskipti erlent

Costco selur gull í massavís

Samúel Karl Ólason skrifar
Þessi mynd var tekin í Costco á Íslandi í nóvember í fyrra. Forstjóri Costco segir gullstangirnar bara seldar á netinu í dag. Í það minnsta í Bandaríkjunum.
Þessi mynd var tekin í Costco á Íslandi í nóvember í fyrra. Forstjóri Costco segir gullstangirnar bara seldar á netinu í dag. Í það minnsta í Bandaríkjunum. Vísir/Einar

Verslunarrisinn Costco hefur selt smáar gullstangir í massavís í Bandaríkjunum að undanförnu. Fyrirtækið hefur verið að selja einnar únsu smágullstangir og eru þær vinsælli en þvottaefni.

Forsvarsmenn Costco hafa ekki sagt hve margar gullstangir hafa selst. Richard Galanti, forstjóri Costco, sagði þó við fjárfesta í síðustu viku að gullstangirnar, sem eru eingöngu seldar á netinu, seldust yfirleitt upp nokkrum klukkustundum eftir að þær birtast á vef fyrirtækisins, samkvæmt frétt AP fréttaveitunnar.

Hver meðlimur í Costco má einungis kaupa tvær gullstangir, en ein er 28,349 grömm og gerð úr 24-karata gulli.

Stangirnar seldust í síðustu viku á tæplega tvö þúsund dali, sem samsvarar um 277 þúsund krónum. AP segir markaðsvirði þessa magns gulls vera um 1.835 dali, en það samsvarar rúmlega 250 þúsund krónum.

Costco hefur verið að selja smáar gullstangir á netinu og seljast þær upp á nokkrum klukkustundum.AP/Richard Drew

Sérfræðingar sem blaðamenn AP ræddu við segja ólíklegt að þessi eftirspurn muni minnka á næstunni, þó að um tiltölulega lítið magn sé að ræða. Eftirspurn eftir góðmálmum hafi sífellt aukist á undanförnum árum og er talið að það muni ekki breytast.

Áðurnefndir sérfræðingar segja fólk leita til gulls eftir öryggi og að margir vilji hafa snertanlegt milli handanna, ef svo má segja.

Bandaríkin Costco


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið