Landsbankinn hækkar vextina

Atli Ísleifsson skrifar 1. september 2023 07:29

Lilja Björk Einarsdóttir er bankastjóri Landsbankans. Vísir/Vilhelm

Landsbankinn tilkynnti síðdegis í gær um hækkun á vöxtum hjá bankanum í kjölfar stýrivaxtahækkunar Seðlabankans og tekur ný vaxtatafla gildi í dag. Arion banki tilkynnti sömuleiðis um vaxtahækkanir í gær.

Á vef Landsbankans segir að vaxtabreytingarnar nú taki jafnframt mið af vöxtum á markaði og öðrum fjármögnunarkjörum Landsbankans.

Peningastefnunefnd Seðlabanka Íslands ákvað í síðustu viku að hækka stýrivexti um 0,50 prósentustig. Meginvextir bankans, vextir á sjö daga bundnum innlánum, fóru því úr 8,75 prósentum í 9,25.

„Helstu breytingar á vöxtum Landsbankans eru eftirfarandi:

Innlánavextir

Vextir á óverðtryggðum sparireikningum hækka um 0,50 prósentustig.
Vextir sem viðskiptavinir fá þegar þeir spara í appi hækka úr 8,25% og verða 8,75%.
Vextir á Fasteignagrunni hækka úr 8,90% og verða 9,40%.
Vextir almennra veltureikninga hækka um 0,20 prósentustig.
Vextir á verðtryggðum sparireikningum hækka um 0,30 prósentustig.

Útlánavextir

Breytilegir vextir á óverðtryggðum íbúðalánum hækka um 0,50 prósentustig og verða 10,75%.
Breytilegir vextir á verðtryggðum íbúðalánum hækka um 0,30 prósentustig og verða 3,15%.
Fastir vextir nýrra óverðtryggðra íbúðalána til 36 mánaða hækka um 0,30 prósentustig og fastir vextir nýrra íbúðalána til 60 mánaða hækka um 0,30 prósentustig.
Fastir vextir nýrra verðtryggðra íbúðalána til 60 mánaða hækka um 0,40 prósentustig.
Kjörvextir á óverðtryggðum lánum og yfirdráttarlánum hækka um 0,50 prósentustig.

Ný vaxtatafla tekur gildi föstudaginn 1. september 2023. Breytingar á vöxtum á lánum sem falla undir lög um neytendalán eða lög um fasteignalán til neytenda taka þó gildi í samræmi við tilkynningar þar að lútandi sem sendar verða viðskiptavinum í netbanka.“

Landsbankinn Íslenskir bankar Fjármál heimilisins Seðlabankinn

Tengdar fréttir

Fyrstur stóru viðskiptabankanna til að tilkynna um vaxtahækkun

Arion banki hefur tilkynnt um hækkun vaxta á inn- og útlánum hjá bankanum í kjölfar stýrivaxtaákvörðunar Seðlabankans í síðustu viku. Breytingarnar taka gildi í dag.

31. ágúst 2023 08:59

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir