Innlent

Var sagður ölvaður en reyndist glíma við heilsu­kvilla

Hólmfríður Gísladóttir skrifar
Vaktin virðist hafa verið fremur róleg.
Vaktin virðist hafa verið fremur róleg. Vísir/Vilhelm

Nóttin virðist hafa verið fremur róleg hjá lögreglunni á höfuðborgarsvæðinu, sem sinnti þó útköllum vegna innbrots í Hafnarfirði og einstaklings sem var til ama í miðborginni en sá hét því að láta af hegðun sinni eftir samtal við lögreglumenn.

Þá var nokkuð um vímuakstur í borginni en einn slasaðist til að mynda eftir að hafa fallið af rafhlaupahljóli og reyndist undir áhrifum áfengis.

Annar ók út af í umdæminu Kópavogur/Breiðholt og reyndist verulega ölvaður. Var hann færður á slysadeild þar sem blóðsýni var tekið vegna rannsóknar málsins. 

Þá barst tilkynning um ölvaðan ökumann sem reyndist hins vegar kljást við heilsukvilla og var aðstoðaður heim.

Lögreglumál

Mest lesið


Fleiri fréttir

Sjá meira


×

Mest lesið