Viðskipti innlent

Costco gert að greiða 20 milljón króna stjórn­valds­sekt vegna olíu­leka

Hólmfríður Gísladóttir skrifar
Costco er staðsett í Kauptúni í Garðabæ.
Costco er staðsett í Kauptúni í Garðabæ. Vísir/Vilhelm

Umhverfisstofnun hefur lagt 20 milljón króna stjórnvaldssekt á Costco Wholesale Iceland ehf. vegna brota á ákvæðum um mengunarvarnir.

Frá þessu er greint á vefsíðu Umhverfisstofnunar en umrædd brot leiddu til þess að að minnsta kosti 111 þúsund lítrar af dísilolíu losnuðu út í fráveitu Hafnarfjarðar og þaðan út í sjó.

„Costco er starfsleyfisskyldur rekstraraðili í skilningi laga um hollustuhætti og mengunarvarnir nr. 7/1998, sbr. 6. gr. laganna sbr. viðauka IV við lögin. Starfsleyfisskyldum rekstraraðilum ber m.a. að tryggja að starfsemi þeirra sé í samræmi við ákvæði laga um hollustuhætti og mengunarvarnir og reglugerða og starfsleyfisskilyrða settra samkvæmt þeim sbr. 1. mgr. 40. gr. laga nr. 7/1998 um hollustuhætti og mengunarvarnir,“ segir á vefsíðu Umhverfisstofnunar.

Þá segir að stofnunin telji að verulega hafi skort á frumkvæði, vöktun og viðbrögð af hálfu Costco vegna olíulekans. Ákveðið hafi verið að leggja fyrrnefnda sekt á fyrirtækið í ljósi alvarleika brotsins og skorts á árvekni.

Costco Umhverfismál Garðabær Hafnarfjörður


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið