Stöð 2 Sport 2
Klukkan 21:35 verður þáttur í þáttaröðinni Hard Knocks sýndur en þar er skyggnst á bakvið tjöldin í NFL-deildinni í amerískum fótbolta. Á miðnætti verður síðan sýnt beint frá leik Carolina Panthers og Detroit Lions á undirbúningstímabili deildarinnar.
Stöð 2 Sport 4
Klukkan 22:30 hefst bein útsending frá öðrum degi opna kanadíska Pacific mótinu í golfi en mótið er hluti af LPGA-mótaröðinni.
Vodafone Sport
Klukkan 10:25 hefst útsending frá æfingu fyrir Formúlu 1 keppni helgarinnar sem fram fer í Hollandi. Þar gæti Max Verstappen jafnað met Sebastian Vettel yfir flesta sigraða kappakstra í röð. Útsending frá seinni æfingu dagsins hefst klukkan 13:55.
Klukkan 16:20 verður sýnt beint frá leik Schalke og Holstein Kiel í næst efstu deild í Þýskalandi. Klukkan 18:25 hefst síðan leikur RB Leipzig og Stuttgart í úrvalsdeildinni sem einnig verður í beinni útsendingu.
