Er kaffið á kaffistofunni ykkar sjálfbært?

Te og kaffi 23. ágúst 2023 09:22

Kaffið frá íslenska vörumerkinu Te & Kaffi er frábær og sjálfbær kostur fyrir vinnustaði sem vilja vistvænt og bragðgott kaffi.

Sjálfbærni er margnotað hugtak á okkar tímum og mikilvægt að inntak þess varðveitist. Í raun er lykilhlutverk fyrirtækja, óháð stærð og umfangi rekstrar, að stefna að sjálfbærni í bæði rekstri og framleiðslu svo starfsemin hafi sem minnst áhrif á umhverfið.

Fyrirtæki sem taka þátt í hringrásarhagkerfinu, vinna að kolefnishlutleysi eða stefna að aukinni sjálfbærni, geta bætt kaffivali á listann sem endurspeglar umhverfisgildi þeirra. Kaffið frá íslenska vörumerkinu Te & Kaffi er frábær og sjálfbær kostur fyrir vinnustaði sem vilja vistvænt og bragðgott kaffi.

Íslenska kaffibrennslan hefur á síðustu árum gert markvissar breytingar á verkferlum sínum og fært sjálfbærni fyrirtækisins á nýtt stig. Í nýrri skýrslu fyrirtækisins má lesa eftirfarandi út úr sjálfbærnimælingum:

Losun gróðurhúsalofttegunda dróst verulega saman á milli ára
Losunarkræfni lækkaði
Allar kaffiumbúðir eru orðnar 100% niðurbrjótanlegar
Kaffibrennslan er drifin áfram með vistvænum orkugjafa

Kaffibrennsla Te & Kaffi í Hafnarfirði ristar kaffibaunirnar með metangasi, umhverfisvænum orkugjafa sem verður til úr lífrænum úrgangi hjá gas- og jarðgerðarstöð Sorpu (GAJU). Þar verður til áhugaverð hringrás; hægt er að nýta kaffiumbúðirnar sem orkugjafa fyrir framleiðslu á sjálfu kaffinu. Kaffibrennslan er enn fremur sú fyrsta á landinu til að fá lífræna vottun frá Tún – vottunarstofu.

Kaffiumbúðir Te & Kaffi eru auk þess gerðar úr lífrænum efnum og má því flokka með lífrænu sorpi. Jafnvel kaffihylkin eru niðurbrjótanleg, enda gerð úr plöntusterkju, og þannig flokkast allar umbúðirnar með lífrænu sorpi. Kaffið frá Te & Kaffi skilur þannig „ekkert eftir sig nema góða bragðið,“ hvort sem það er malað, ómalað, í hylkjum eða púðum.

Ef kaffistofan þín er á höttunum eftir umhverfisvænu kaffi, í ýmsum bragðtegundum, hvetjum við þig til að hafa samband við kaffiþjónustu Innnes, kaffithjonusta@innnes.is.

Við erum gríðarlega stolt af þeim árangri sem við höfum náð í umhverfismálum án þess að fórna gæðum á kaffinu okkar. Umbúðirnar halda gæðum vörunnar fullkomlega sem var ekki hægt með niðurbrjótanlegar umbúðir fyrir nokkrum árum síðan.