Það er algjör bongóblíða

Þetta kemur fram í hugleiðingum veðurfræðings á Veðurstofu Íslands. Fremur svalt verður þar sem skýjað verður, hitinn þar gæti náð 10 stigum, en þar sem sólar gætir gæti hitinn náð 22 stigum þar sem best lætur. Já, bongóblíða og básúnur og trommur hljóma þrumuvel í dag eins og segir í Sólarsamba Magnúsar Kjartanssonar.

Á morgun verður víða bjart veður en vindáttin líklega orðin suðvestlæg og hlýtt um allt land.

Á þriðjudag og miðvikudag:

Fremur hæg suðlæg eða breytileg átt og dálítil væta öðru hverju, en yfirleitt þurrt norðaustanlands. Hiti 10 til 18 stig, hlýjast fyrir norðan og austan.

Á fimmtudag:

Suðaustlæg átt, 5-13 m/s og rigning með köflum sunnanlands, annars yfirleitt þurrt. Hiti breytist lítið.

Á föstudag:

Ákveðin austlæg átt með rigningu, en úrkomulítið á Norðurlandi og áfram hlýtt í veðri.

Á laugardag:

Útlit fyrir áframhaldandi austlæga átt, rigningu með köflum og hlýindi, en þurrt að kalla fyrir norðan.