Viðskipti innlent

Íslenska vatnið selt erlendum fjárfestum

Hólmfríður Gísladóttir skrifar
Jón segir áformað að auka framleiðslu og sölu umtalsvert.
Jón segir áformað að auka framleiðslu og sölu umtalsvert.

Athafnamennirnir Jón Ólafsson og Kristján Ólafsson hafa selt stóran hlut í Icelandic Water Holdings til erlendra fjárfesta. Búið er að undirrita kaupsamninga en gengið verður frá kaupunum 22. ágúst næstkomandi.

Frá þessu greinir Morgunblaðið.

Jón segir í samtali við blaðið að um sé að ræða hóp fjárfesta víðsvegar í heiminum og að viðræður hafi staðið yfir frá 2019. Fjárfestarnir hafi í hyggju að stórauka framleiðslugetu fyrirtækisins á Hlíðarenda í Ölfusi, sem muni meðal annars fela í sér byggingu nokkra verksmiðja til viðbótar við þá sem fyrir er.

Að sögn Jóns jókst sala á vörum Icelandic Water Holdings um 20 til 30 prósent á fyrri hluta þessa árs. Hann segir stefnt að því að auka söluna um 50 prósent á ári næstu árin og gerir ráð fyrir að umsvif fyrirtækisins muni aukast til muna.

Morgunblaðið segist hafa heimildir fyrir því að Jack Ma, stofnandi sölusíðunnar Alibaba, eigi aðkomu að viðskiptunum.

Kaup og sala fyrirtækja Ölfus Vatn


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið