Innlent

Vatnsleiðsla í sundur í Hagkaup í Smáralind

Kolbeinn Tumi Daðason skrifar
Í stutta stund töldu viðskiptavinir að kviknað hefði eldur í Hagkaup í Smáralind. Það reyndust óþarfa áhyggjur.
Í stutta stund töldu viðskiptavinir að kviknað hefði eldur í Hagkaup í Smáralind. Það reyndust óþarfa áhyggjur. Vísir/Vilhelm

Heitavatnslögn fór í sundur í Hagkaup í Smáralind upp úr hádegi í dag. Sjálfkrafarýmingaráætlun var virkjuð vegna þessa. Ekkert hættuástand skapaðist.

Fjölmörgum verslunareigendum brá í brún upp úr hádegi þegar brunakerfið fór að væla í Hagkaup í Smáralind. Þá myndaðist gufa og taldi einn viðskiptavinur, sem hafði samband við fréttastofu, að um eldsvoða hlyti að vera að ræða. Svo var ekki.

Samkvæmt upplýsingum frá Hagkaupum fór vatnslögn fyrir heitt vatn í sundur með gufumyndum sem setti brunavarnarkerfið af stað. Verslunin hafi verið rýmd í skamma stund en nú sé fólk aftur farið að setja vörur í körfuna í versluninni.

Málið hafði ekki borist inn á borð slökkviliðsins á höfuðborgarsvæðinu að sögn varðstjóra þar.

Smáralind Kópavogur Slökkvilið
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið