Útvistarfatnaður frá Icewear gerir góða verslunarmannahelgi betri

Icewear 1. ágúst 2023 12:16

Grunnlagið hentar sérstaklega vel í alls kyns útivist. Um er að ræða mjúka og hlýja Merino ull eða fljótþornandi efni sem er frábært innsta lag, bæði sem buxur og peysa. Myndir/@robertarnar_

Langþráð verslunarmannahelgi er næstu helgi og þá má búast við því að stór hluti landsmanna fari í lengri og styttri ferðalög.

Þrátt fyrir að enn sé sumar er allra veðra von og því betra að vera rétt klæddur þegar þessi mesta ferðahelgi ársins gengur í garð. „Hjá Icewear finnur þú mikið úrval af fallegum útivistarfatnaði á sanngjörnu verði fyrir alla fjölskylduna,“ segir Elma Bjartmarsdóttir, markaðsstjóri Icewear. „Í verslunum okkar finnur þú allt sem þú þarft fyrir verslunarmannahelgina.“

2,5 laga skel er létt og heldur góðum hita.

Hún segir Icewear bjóða upp á gott úrval af vestum og ullarpeysum, bæði þessari gömlu góðu ullarpeysu og svo mikið úrval af Merino ullarpeysum sem stinga ekki. „Regnkápurnar okkar eru mjög vinsælar og einnig pollabuxurnar. Hjá okkur má finna gott úrval af skeljum, bæði buxum og jökkum, og einnig flíspeysum og hettupeysum og auðvitað húfum, vettlingum og ýmsum fylgihlutum.“

Hjá Icewear finnur þú mikið úrval af fallegum útivistarfatnaði á sanngjörnu verði fyrir alla fjölskylduna.

Grunnlagið er að sögn Elmu leynitrixið í bakpokanum. „Grunnlagið hentar sérstaklega vel í alls kyns útivist. Þetta er mjúk og hlý Merino ull eða fljótþornandi efni sem er frábært innsta lag, bæði sem buxur og peysa. Það fer afar lítið fyrir því í bakpokanum yfir daginn en er nauðsynlegt á kvöldin þegar fer að kólna.“

Softshell jakkinn er þriggja laga. Innst er hitaeinangrandi flísefni sem gerir flíkina hlýja og notalega. Jakkinn nýtist jafnt sem yfirhöfn og sem hitaeinangrandi miðlag.

Icewear býður einnig upp á gott úrval af gönguskóm og ekki má gleyma hlýju sokkunum sem eru ómissandi um verslunarmannahelgina, hvort sem gist er í tjaldi eða dvalið í sumarhúsi.

Thermore vestið er frábær hversdags ytri-flík eða sem einangrun undir skeljakka á köldum dögum. Létt og þægilegt dúnvesti.

Icewear er með heila útivistarlínu sem er með íslenskri ullareinangrun sem er nýsköpun á heimsvísu að sögn Elmu. „Sú lína bara stækkar milli ára og við munum kynna spennandi nýjungar þar með haustinu. Nú í sumar höfum við bætt við nýjum litum í allar vinsælustu vörur okkar og því óhætt að segja að úrvalið sé gott í verslunum okkar. Ég hvet sem flesta til að kíkja tímanlega við áður en verslunarmannahelgin rennur upp og minni á að Vinir Icewear fá sérkjör en hægt er að skrá sig hér.“

Mohair peysa og falleg grænhvít ullarpeysa.

Nánar á icewear.is.

Heilsa Tíska og hönnun

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.