Viðskipti innlent

Met­ slegið sjötta mánuðinn í röð

Eiður Þór Árnason skrifar
Gistinætur á hótelum í júní voru 510.700 sem er 3% aukning frá fyrra ári.
Gistinætur á hótelum í júní voru 510.700 sem er 3% aukning frá fyrra ári. Vísir/Vilhelm

Metfjöldi gistinótta var skráður í júní og nemur fjölgunin um 17 prósentum frá fyrra metárinu 2022. Met hafa verið slegin í öllum mánuðum það sem af er þessu ári samkvæmt tölum Hagstofunnar.

Skráðar gistinætur voru 1.170.600 talsins í júní samanborið við 1.012.300 árið í fyrra. Gistinætur erlendra ferðamanna voru um 77% gistinótta í júní sem er 16% aukning frá fyrra ári. Gistinóttum Íslendinga fjölgaði um 14% frá fyrra ár. 

Gistinætur á hótelum og gistiheimilum voru um 703.000 og um 468.000 á öðrum tegundum skráðra gististaða, þar á meðal í íbúðagistingu, orlofshúsum og á tjaldsvæðum.

Þetta kemur fram í samantekt á vef Hagstofu Íslands en áætlaður fjöldi gistinótta erlendra ferðamanna í heimagistingu utan hefðbundinnar gistinóttaskráningar í júní var um 200.000.

Gistinætur á hótelum í júní voru 510.700 sem er 3% aukning frá fyrra ári. Hótelgisting jókst í öllum landshlutum nema á höfuðborgarsvæðinu samanborið við júní 2022. Gistinætur erlendra ferðamanna voru 419.200, eða 82% af hótelgistinóttum, á meðan gistinætur Íslendinga voru 91.500 sem jafngildir 18%. Gistinætur erlendra ferðamanna jukust um 4% á meðan þær íslensku voru á pari við fyrra ár, að sögn Hagstofunnar.

Framboð hótelherbergja var svipuð í júní og á sama tíma í fyrra. Herbergjanýting á landsvísu jókst um 1,3 prósentustig og varð mesta aukningin á Suðurnesjum og Suðurlandi.

Ferðamennska á Íslandi Hótel á Íslandi


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið