Rafleiðni í Múlakvísl óvenju há

Atli Ísleifsson skrifar 6. júlí 2023 07:19

Múlakvísl rennur úr Kötlujökli. Vísir/Vilhelm

Rafleiðni í Múlakvísl mælist nú óvenju há miðað við árstíma. Gasmælir á Láguhvolum mælir sömuleiðis jarðhitagas á svæðinu.

Þetta kemur fram í tilkynningu á vef Veðurstofunnar. Þar segir að líkur séu á vatnavöxtum í Múlakvísl vegna aukins hlutfalls jarðhitavatns í ánni. Þekkt er að gasmengun við ána geti fylgt jarðhitavatni.

Aukin skjálftavirkni hefur mælst í Kötlu síðustu daga og hófst hrina þar í lok síðasta mánaðar. Stærsti skjálftinn á svæðinu mældist 4,4 þann 30. júní.

Sérfræðingar Veðurstofunnar segja jarðskjálftavirkni í Mýrdalsjökli síðustu vikurnar vera þær mestu í Mýrdalsjökli, þar sem Kötlujökul er að finna, síðan haustið 2016. Sé talið að þetta séu merki um jarðhitavirkni á svæðinu en að ekki væri hægt að útiloka kvikuhreyfingar.

Múlakvísl rennur úr Kötlujökli og rennur til sjávar rétt austan Víkur í Mýrdal.

Eldgos og jarðhræringar Mýrdalshreppur Katla

Tengdar fréttir

Skjálfti 3,6 að stærð í Mýrdalsjökli

Skjálfti 3,6 að stærð varð í Mýrdalsjökli klukkan 7:42 í morgun. Honum fylgdi svo nokkrir minni skjálftar.

27. júní 2023 09:42

Stærsti skjálftinn 4,4 í jarðskjálftahrinu í Mýrdalsjökli

Jarðskjálftahrina reið yfir í Mýrdalsjökli í nótt og hafa yfir 80 skjálftar mælst, sá stærsti 4,4 að stærð.

30. júní 2023 06:42

Vísbendingar um jarðhitavirkni en ekki hægt að útiloka kvikuhreyfingar

Aukin skjálftavirkni hefur mælst í Kötlu síðustu daga og hófst hrina þar skömmu eftir miðnætti í nótt. Jarðskjálftavirkni í Mýrdalsjökli síðustu vikur er nú sú mesta síðan haustið 2016. Talið er að þetta séu merki um jarðhitavirkni á svæðinu en ekki er hægt að útiloka kvikuhreyfingar.

30. júní 2023 12:10