Viðar Örn kominn í búlgörsku úr­vals­deildina

Viðar Örn kemur til liðs við CSKA 1948 frá gríska liðinu Atromitos en þar hafði hann lítið spilað síðustu mánuði. Viðar skoraði 6 mörk í 33 leikjum í grísku deildinni en hann skrifar nú undir tveggja ára samning við CSKA 1948.

Nýja félag Viðars Arnar endaði í þriðja sæti búlgörsku úrvalsdeildarinnar á síðustu leiktíð, fimmtán stigum á eftir meistaraliði Ludogorets.

Viðar Örn hefur komið víða við á ferli sínum en meðal annars spilað í Svíþjóð, Noregi, Kína, Rússlandi og Tyrklandi. Hann hefur leikið 32 landsleiki fyrir Íslands hönd og mun taka þátt í undankeppni Sambandsdeildarinnar með CSKA 1948 nú síðar í sumar.