2% ökumanna telja sig verri en meðalökumaðurinn Ágúst Mogensen skrifar 30. júní 2023 10:00 Júlí er umferðarþyngsti mánuðurinn á Ísland en þá leggja flestir land undir fót. Nær allar helgar eru hátíðir í bæjum og sveitum sem vel eru sóttar. Fólk fer í sumarbústaði og umferð erlendra ferðamanna er einnig mikil. Einn fylgifiskur þessarar umferðar er sú staðreynd að júlí er slysaþungur mánuður, umferðarslys eru mörg, sem og önnur slys sem tengjast ferðamennsku. Því er ekki úr vegi að fara yfir nokkrar staðreyndir og áskoranir í umferðinni. 98% ökumanna telja sig í eða yfir meðallagi góða ökumenn Ofangreind tölfræði byggir á viðhorfskönnun sem Samgöngustofa gerir árlega um aksturshegðun. Það er jákvætt að bílstjórar séu fullir sjálfstrausts en spurning hvort einhverjir séu að ofmeta hæfni sína og vanmeta hættur. Ökumenn eru minntir á að virða ávallt reglur um hámarkshraða og að ávinningur hraðaksturs er ekki mikill. Á 200 km leið sparar ökumaður 25 mínútur ef hann ekur á 110 km/klst. hraða samanborið við 90 km/klst. hraða. Sektin nemur hins vegar 50.000 krónum ef upp kemst um brotið. Munum svo að spenna beltin og ökum allsgáð. Látum símann vera meðan á akstri stendur og gefum stefnuljós. Skortur á notkun stefnuljósa og farsímanotkun er það sem fer einna mest í taugarnar á íslenskum bílstjórum. Ferðavagnar á ferð og flugi Sú hætta sem helst steðjar að þegar ferðavagnar eru dregnir er vindurinn. Fyrir húsbíla, hjólhýsi, fellihýsi og aðra tengivagna ber að fara sérstaklega varlega ef að stöðugur vindur er 15-19 m/sek. en 15-25 m/sek. í vindhviðum. Passið upp á að ferðavagninn ykkar sé skoðaður og notið alltaf öryggiskeðju. Þá er gott að gæta þess að vagninn sé jafnt lestaður og alls ekki of þungur. Það kemur fyrir að vagnar séu of lestaðir af farangri og heildarþyngd meiri en bíllinn má draga. Gaskútar, reiðhjól, fortjald og annar farangur getur vegið þungt. Upplýsingar um hvað bíllinn þinn má draga þungan vagn og þyngd vagnsins er að finna í skráningarskírteinum beggja ökutækja. Brotnar bílrúður Hefur þú lent í því að fá grjót í framrúðuna sem skilur eftir sig sprungu eða skemmd? Fjöldi rúða sem skemmast árlega eru sennilega um 20.000 og má þar kenna ýmsu um. Holur í vegum, lausamöl í kanti, slitlagsviðgerðir og malarvegir. Það er bara mikið af lausu grjóti á vegum og götum. En ökumenn geta samt gætt sín betur, ekið hægar í möl og haldið fjarlægð við næsta bíl. Ekki vera sá sem spýtir grjóti í næsta bíl. Ef þú færð sprungu í framrúðuna er gott að vera með bílrúðumiða við höndina til að auka líkurnar á að hægt sé að gera við rúðuna. Það þarf ekki alltaf að skipta um framrúðuna með tilheyrandi kostnaði og sóun. Ef hægt er að gera við rúðuna þá greiðir þú enga eigináhættu. 90 km hraði = 25 metrar á sekúndu Þessi staðreynd undirstrikar mikilvægi þess að hafa athygli við akstur og láta símann vera. Ef þú lítur af veginum í 2 sekúndur á þessum hraða vegna þess þú þarft að skrifa afar mikilvæg skilaboð eins og hahahahah, þá ertu búin(n) að keyra 50 metra blint. Látum símana vera meðan á akstri stendur og notum handfrjálsan búnað ef við þurfum nauðsynlega að hringja eða svara símtölum. 3% ökumanna dottuðu við akstur sl. 6 mánuði Þreyta vegna svefnleysis er algeng orsök umferðarslysa og sennilega vanskráð. Aðspurðir í könnun sögðust 45% íslenskra ökumanna hafa orðið syfjaðir við akstur sl. 6 mánuði og 3% dottað. Áfengi og lyf geta spilað þar inn í vegna slævandi áhrifa. Ökumenn sem dotta eða sofna eiga á hættu að aka útaf eða framan á aðra bifreið með tilheyrandi afleiðingum á 90 km/klst. hraða. Gætið þess að skipuleggja ferðalagið þannig að ekki sé ekið of mikið í einu, fáið nætursvefninn ykkar og akið varlega. Að endingu er þó vert að taka fram að oft gengur umferðin vel á þessum umferðarþungu tímabilum. Ökumenn vita að umferðin er hægari á álagspunktum en þeir komast á áfangastað engu að síður. Förum varlega í sumar og njótum alls sem Ísland hefur upp á að bjóða heil heilsu og án samviskubits eða svekkelsis að hafa fengið háa sekt á leiðinni í fríið. Góða ferð. Höfundur er sérfræðingur í forvörnum hjá Verði tryggingum. Viltu birta grein á Vísi? Sendu okkur póst. Senda grein Ágúst Mogensen Slysavarnir Umferð Umferðaröryggi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Halldór 18.05.2024 Halldór Birni Bjarnasyni svarað Arnar Þór Jónsson Skoðun Kjósum Katrínu Kjartan Ragnarsson Skoðun Baldur Þórhallsson er vitur og vís Bryndís Friðgeirsdóttir Skoðun Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson Skoðun Mesti stjórnmálamaðurinn? Hjörtur J. Guðmundsson Skoðun „Ég skal baka fyrir Gunnar en ég kýs Kristján“ Páll Magnússon Skoðun Heilbrigðiskerfi Íslands - Tími fyrir lausnir! Victor Gudmundsson Skoðun Kosningum frestað Ása Berglind Hjálmarsdóttir,Hrönn Guðmundsdóttir Skoðun Forsetaframbjóðendur undir áhrifum Kremlverja? Bjarni Már Magnússon Skoðun Skoðun Skoðun Kosningum frestað Ása Berglind Hjálmarsdóttir,Hrönn Guðmundsdóttir skrifar Skoðun Mesti stjórnmálamaðurinn? Hjörtur J. Guðmundsson skrifar Skoðun Birni Bjarnasyni svarað Arnar Þór Jónsson skrifar Skoðun Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson skrifar Skoðun Baldur Þórhallsson er vitur og vís Bryndís Friðgeirsdóttir skrifar Skoðun Kjósum Katrínu Kjartan Ragnarsson skrifar Skoðun Neikvæð áhrif þess að útiloka forsetaframbjóðendur frá kappræðum strax komin í ljós Ástþór Magnússon skrifar Skoðun Nýtt sveitarfélag Halla Signý Kristjánsdóttir skrifar Skoðun Stafrænn ójöfnuður á upplýsingaöld Stella Samúelsdóttir,Alma Ýr Ingólfsdóttir skrifar Skoðun Varfærnisleg fagnaðarlæti Berglind Sunna Bragadóttir skrifar Skoðun „Ég skal baka fyrir Gunnar en ég kýs Kristján“ Páll Magnússon skrifar Skoðun Daðrað við sölu Björn Sævar Einarsson skrifar Skoðun Rannsóknir á söfnum skapa dýrmæta þekkingu Arndís Bergsdóttr skrifar Skoðun Sagan sem verður að segja Drífa Snædal skrifar Skoðun Nýsköpun innviða Jóhanna Ýr Jóhannsdóttir skrifar Skoðun Fjöldi fyrirtækja hætta með Rapyd Oddný Björg Rafnsdóttir skrifar Skoðun Forsetaframbjóðendur undir áhrifum Kremlverja? Bjarni Már Magnússon skrifar Skoðun Bréf frá móður Berglind Fríða Viggósdóttir skrifar Skoðun Vill ekki lengur íslenzkan her? Hjörtur J. Guðmundsson skrifar Skoðun Hafa íslensk fjarskiptafélög málað sig út í horn? Aron Heiðar Steinsson skrifar Skoðun Á Ísland framtíð í NATO? Hilmar Þór Hilmarsson skrifar Skoðun Fjallkonan nýja, hún Katrín Þorvaldur Logason skrifar Skoðun Heilsa íslenskrar þjóðar, samofin framþróun í læknisfræði á Íslandi Theódór Skúli Sigurðsson skrifar Skoðun Njótum reynslu Katrínar Valgerður Bjarnadóttir skrifar Skoðun Katrínu á Bessastaði Brynja Þorbjörnsdóttir skrifar Skoðun Eru stjórnvöld að virða réttindi barna á flótta? Hópur fólks í ungmennaráði UNICEF á Íslandi skrifar Skoðun Forseti Íslands, Baldur Þórhallsson Friðrik Erlingsson skrifar Skoðun Algeng mistök við fasteignakaup og hvernig þú forðast þau Kristín Ósk Þórðardóttir skrifar Skoðun Er ungum mönnum sama um sjófólk? Kjartan Sveinn Guðmundsson skrifar Skoðun Þörfin fyrir heimilislækna Bjarni Jónsson skrifar Sjá meira
Júlí er umferðarþyngsti mánuðurinn á Ísland en þá leggja flestir land undir fót. Nær allar helgar eru hátíðir í bæjum og sveitum sem vel eru sóttar. Fólk fer í sumarbústaði og umferð erlendra ferðamanna er einnig mikil. Einn fylgifiskur þessarar umferðar er sú staðreynd að júlí er slysaþungur mánuður, umferðarslys eru mörg, sem og önnur slys sem tengjast ferðamennsku. Því er ekki úr vegi að fara yfir nokkrar staðreyndir og áskoranir í umferðinni. 98% ökumanna telja sig í eða yfir meðallagi góða ökumenn Ofangreind tölfræði byggir á viðhorfskönnun sem Samgöngustofa gerir árlega um aksturshegðun. Það er jákvætt að bílstjórar séu fullir sjálfstrausts en spurning hvort einhverjir séu að ofmeta hæfni sína og vanmeta hættur. Ökumenn eru minntir á að virða ávallt reglur um hámarkshraða og að ávinningur hraðaksturs er ekki mikill. Á 200 km leið sparar ökumaður 25 mínútur ef hann ekur á 110 km/klst. hraða samanborið við 90 km/klst. hraða. Sektin nemur hins vegar 50.000 krónum ef upp kemst um brotið. Munum svo að spenna beltin og ökum allsgáð. Látum símann vera meðan á akstri stendur og gefum stefnuljós. Skortur á notkun stefnuljósa og farsímanotkun er það sem fer einna mest í taugarnar á íslenskum bílstjórum. Ferðavagnar á ferð og flugi Sú hætta sem helst steðjar að þegar ferðavagnar eru dregnir er vindurinn. Fyrir húsbíla, hjólhýsi, fellihýsi og aðra tengivagna ber að fara sérstaklega varlega ef að stöðugur vindur er 15-19 m/sek. en 15-25 m/sek. í vindhviðum. Passið upp á að ferðavagninn ykkar sé skoðaður og notið alltaf öryggiskeðju. Þá er gott að gæta þess að vagninn sé jafnt lestaður og alls ekki of þungur. Það kemur fyrir að vagnar séu of lestaðir af farangri og heildarþyngd meiri en bíllinn má draga. Gaskútar, reiðhjól, fortjald og annar farangur getur vegið þungt. Upplýsingar um hvað bíllinn þinn má draga þungan vagn og þyngd vagnsins er að finna í skráningarskírteinum beggja ökutækja. Brotnar bílrúður Hefur þú lent í því að fá grjót í framrúðuna sem skilur eftir sig sprungu eða skemmd? Fjöldi rúða sem skemmast árlega eru sennilega um 20.000 og má þar kenna ýmsu um. Holur í vegum, lausamöl í kanti, slitlagsviðgerðir og malarvegir. Það er bara mikið af lausu grjóti á vegum og götum. En ökumenn geta samt gætt sín betur, ekið hægar í möl og haldið fjarlægð við næsta bíl. Ekki vera sá sem spýtir grjóti í næsta bíl. Ef þú færð sprungu í framrúðuna er gott að vera með bílrúðumiða við höndina til að auka líkurnar á að hægt sé að gera við rúðuna. Það þarf ekki alltaf að skipta um framrúðuna með tilheyrandi kostnaði og sóun. Ef hægt er að gera við rúðuna þá greiðir þú enga eigináhættu. 90 km hraði = 25 metrar á sekúndu Þessi staðreynd undirstrikar mikilvægi þess að hafa athygli við akstur og láta símann vera. Ef þú lítur af veginum í 2 sekúndur á þessum hraða vegna þess þú þarft að skrifa afar mikilvæg skilaboð eins og hahahahah, þá ertu búin(n) að keyra 50 metra blint. Látum símana vera meðan á akstri stendur og notum handfrjálsan búnað ef við þurfum nauðsynlega að hringja eða svara símtölum. 3% ökumanna dottuðu við akstur sl. 6 mánuði Þreyta vegna svefnleysis er algeng orsök umferðarslysa og sennilega vanskráð. Aðspurðir í könnun sögðust 45% íslenskra ökumanna hafa orðið syfjaðir við akstur sl. 6 mánuði og 3% dottað. Áfengi og lyf geta spilað þar inn í vegna slævandi áhrifa. Ökumenn sem dotta eða sofna eiga á hættu að aka útaf eða framan á aðra bifreið með tilheyrandi afleiðingum á 90 km/klst. hraða. Gætið þess að skipuleggja ferðalagið þannig að ekki sé ekið of mikið í einu, fáið nætursvefninn ykkar og akið varlega. Að endingu er þó vert að taka fram að oft gengur umferðin vel á þessum umferðarþungu tímabilum. Ökumenn vita að umferðin er hægari á álagspunktum en þeir komast á áfangastað engu að síður. Förum varlega í sumar og njótum alls sem Ísland hefur upp á að bjóða heil heilsu og án samviskubits eða svekkelsis að hafa fengið háa sekt á leiðinni í fríið. Góða ferð. Höfundur er sérfræðingur í forvörnum hjá Verði tryggingum.
Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson Skoðun
Skoðun Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson skrifar
Skoðun Neikvæð áhrif þess að útiloka forsetaframbjóðendur frá kappræðum strax komin í ljós Ástþór Magnússon skrifar
Skoðun Heilsa íslenskrar þjóðar, samofin framþróun í læknisfræði á Íslandi Theódór Skúli Sigurðsson skrifar
Skoðun Eru stjórnvöld að virða réttindi barna á flótta? Hópur fólks í ungmennaráði UNICEF á Íslandi skrifar
Skoðun Algeng mistök við fasteignakaup og hvernig þú forðast þau Kristín Ósk Þórðardóttir skrifar
Því miður ekkert annað í stöðunni en að fresta atkvæðagreiðslu um verkefni Heidelberg Gestur Þór Kristjánsson,Erla Sif Markúsdóttir,Sigurbjörg Jenný Jónsdóttir,Grétar Ingi Erlendsson Skoðun