Viðskipti innlent

Ráðin í starf fjár­­mála­­stjóra Kalda­lóns

Atli Ísleifsson skrifar
Sigurbjörg Ólafsdóttir.
Sigurbjörg Ólafsdóttir. Arion

Sigurbjörg Ólafsdóttir hefur verið ráðin í starf fjármálastjóra Kaldalóns hf. Hún hefur undanfarin ár gegnt starfi forstöðumanns fasteigna- og innviðateymis Arion Banka.

Greint er frá ráðningu í tilkynningu frá fasteignafélaginu Kaldalóni. Þar segir að Sigurbjörg hafi einnig gegnt starfi forstöðumanns áhættustýringar Arion banka. 

„Þá hefur Sigurbjörg víðtæka reynslu af umsýslu fasteigna, en hún sat m.a. í stjórn fasteignafélagsins Landfestar ehf. á árunum 2011-2014 með útleigueignir um 95.000 m2. Sigurbjörg er menntuð í véla- og iðnaðarverkfræði ásamt því að hafa lokið löggildingu í verðbréfaviðskiptum.

Sigurbjörg mun hefja störf í ágúst 2023.

Högni Hjálmtýr Kristjánsson, áður forstöðumaður eignaumsýslu og fjármála, hefur tekið við sem framkvæmdastjóri rekstrar hjá Kaldalóni og er starfandi fjármálastjóri. Þá hefur Albert Leó Haagensen hafið störf sem forstöðumaður fasteignaumsýslu,“ segir í tilkynningunni. 

Vistaskipti Kaldalón Fasteignamarkaður Arion banki Íslenskir bankar


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið