Viðskipti innlent

Ráðinn for­stöðu­maður nýrrar deildar hjá Lands­virkjun

Magnús Jochum Pálsson skrifar
Sveinbjörn Finnsson hefur verið ráðinn forstöðumaður nýrrar deildar hjá Landsvirkjun.
Sveinbjörn Finnsson hefur verið ráðinn forstöðumaður nýrrar deildar hjá Landsvirkjun. Landsvirkjun

Sveinbjörn Finnsson hefur verið ráðinn forstöðumaður nýrrar deildar Verkefnaþróunar hjá Landsvirkjun á sviði Viðskiptaþróunar og nýsköpunar.

Þetta kemur fram í fréttatilkynningu frá Landsvirkjun.

Þar segir að þessi nýja deild leiði þróun verkefna í tengslum við endurnýjanlega raforkuvinnslu erlendis og rafeldsneytisframleiðslu á Íslandi. Enn fremur segir að í starfsemi deildarinnar felist tækifæri fyrir Landsvirkjun til að taka virkan þátt í orkuskiptum á Íslandi og erlendis.

Sveinbjörn er með M.Sc. gráðu í orkuverkfræði frá ETH í Zürich og alþjóðlega IPMA vottun í verkefnastjórnun. Hann hóf störf hjá Landsvirkjun árið 2015 sem sérfræðingur í viðskiptagreiningu og hefur síðustu tvö ár starfað sem viðskiptaþróunarstjóri.

Þá segir í tilkynningunni að Sveinbjörn muni leiða teymi sem fer fyrir verkefnum tengdum orkuskiptum. Á Íslandi sé Landsvirkjun þegar að þróa verkefni sem snúa að framleiðslu vetnis og metanóls fyrir orkuskipti. Erlendis taki fyrirtækið virkan þátt í uppbyggingu endurnýjanlegrar raforkuvinnslu með samstarfsaðilum.

Landsvirkjun Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið