Innlent

Björguðu ferða­manni í sjálf­heldu í Þak­gili

Árni Sæberg skrifar
Björgunarsveitarmaður leitar mannsins við Þakgil.
Björgunarsveitarmaður leitar mannsins við Þakgil. Landsbjörg

Björgunarsveitir frá Vík í Mýrdal og Álftaveri voru kallaðar út á níunda tímanum í kvöld vegna ferðamanns, sem hafði villst út af gönguleið í Þakgili undir Mýrdalsjökli og var kominn í sjálfheldu.

Í fréttatilkynningu frá Slysavarnafélaginu Landsbjörgu segir að nokkurn tíma hafi tekið að koma björgunarfólki inn í Þakgil um hægfarinn veg. Björgunarfólk hafi svo farið inn á gönguleiðina úr tveimur áttum, en staðsetning mannsins hafi ekki verið nákvæmlega vituð. 

Það hafi loks verið á ellefta tímanum sem maðurinn fannst, en hann var orðinn nokkuð kaldur og hafði komið sér fyrir þar sem hann var vel skorðaður af.

Björgunarfólk er nú að aðstoða hann til baka eftir gönguleiðinni, inn í Þakgil.

Björgunarsveitir Ferðamennska á Íslandi Mýrdalshreppur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið