Eftir stórfurðulegar tímatökur í Mónakó í dag er það Max Verstappen sem stendur uppi sem sigurvegari og ræsir fremstur þegar ljósin slokkna á morgun. Mercedes-mennirnir Lewis Hamilton og George Russell voru í basli frá fyrstu mínútu og um tíma leit út fyrir að Esteban Ocon myndi taka ráspólinn.
Það má hins vegar aldrei afskrifa heimsmeistarann Max Verstappen því hann átti að lokum besta tímann í lokahluta tímatökunnar þegar hann kom í mark á tímanum 1:11,365, aðeins 0.084 sekúndum hraðari en Fernando Alonso sem ræsir annar.
MAX VERSTAPPEN TAKES POLE IN MONACO! 👑
— Formula 1 (@F1) May 27, 2023
It's his first-ever pole in Monaco, and what a superhuman lap it was to take it 👏
Absolutely stunning, @Max33Verstappen #MonacoGP #F1 pic.twitter.com/ArpgrLv3Y5
Heimamaðurinn Charles Leclerc ræsir svo þriðji og með honum í rásröð er liðsfélagi hans, Carlos Sainz, sem ræsir fjórði.
Liðsfélagi Verstappen hjá Red Bull, Sergio Perez, lenti hins vegar í vandræðum með bíl sinn í fyrsta hluta tímatökunnar og ræsir seinastur.