Á­­fram í haldi fyrir sí­endur­tekið of­beldi gegn eigin­­konu sinni

Maðurinn mun því sitja á­fram í gæslu­varð­haldi til 15. júní næst­komandi. Á­kæra á hendur manninum var gefin út af Héraðs­dómi Reykja­ness þann 19. maí síðast­liðinn og honum gert að sæta gæslu­varð­haldi þar til í júní. Sú á­kvörðun hefur nú verið stað­fest.

Segir í niður­stöðu Lands­réttar að komist hafi verið að þeirri niður­stöðu að skil­yrðum fyrir á­fram­haldandi gæslu­varð­haldi sé full­nægt í ljósi al­var­leika brota mannsins. Honum er gefin að sök nauðgun, stór­fellda líkams­á­rás og stór­fellt brot í nánu sam­bandi við eiginu­konu sína á árunum 2019 til 2023.

Maðurinn hafi endur­tekið, á sér­stak­lega sárs­auka­fullan, meiðandi og al­var­legan hátt ógnað lífi, heilsu og vel­ferð hennar með and­legu, líkam­legu og kyn­ferðis­legu of­beldi, hótunum og nauðung. Í á­kæru er á­verkum konunnar lýst og segir í niður­stöðu Lands­réttar að sam­kvæmt læknis­fræði­legum gögnum séu sumir þeirra taldir vera lífs­hættu­legir.