Innlent

Þór­dís Kol­brún tók á móti for­sætis­ráð­herra Úkraínu

Atli Ísleifsson skrifar
image00001.jpeg
utanríkisráðuneytið/Sigurjón Ragnar

Þórdís Kolbrún Reykfjörð Gylfadóttir utanríkisráðherra tók á móti Denys Shmyhal, forsætisráðherra Úkraínu, þegar hann kom ásamt öðrum í sendinefnd Úkraínu með flugi til Reykjavíkurflugvallar um hádegisbil í dag.

Sendinefndin kemur hingað til lands í tilefni af leiðtogafundi Evrópuráðsins sem haldinn er í Reykjavík í dag og á morgun. Í föruneyti úkraínska forsætisráðherrann er einnig Denys Maliuska dómsmálaráðherra.

Vólódímír Selenskí Úkraínuforseti mun flytja ávarp á opnunarathöfn fundarins í gegnum fjarfundarbúnað upp úr klukkan 16.

Fyrir leiðtogafundinum liggur að samþykkja formlega gerð sérstakrar skrár vegna þess tjóns sem innrás Rússlands hefur valdið Úkraínu og árétta mikilvægi þeirra gilda sem Evrópuráðið stendur vörð um.

Denys Shmyhal, forsætisráðherra Úkraínu, á leið úr vélinni á Reykjavíkurflugvelli í hádeginu. Utanríkisráðuneytið/Sigurjón Ragnar

Denys Shmyhal, forsætisráðherra Úkraínu. og Þórdís Kolbrún Reykfjörð Gylfadóttir utanríkisráðherra. utanríkisráðuneytið/Sigurjón Ragnar

Úkraínska sendinefndin kom til landsins með vél Icelandair sem flogið var frá Póllandi til Reykjavíkurflugvallar.Vísir/Vilhelm
Leiðtogafundur Evrópuráðsins í Reykjavík 2023 Reykjavík Reykjavíkurflugvöllur Úkraína Íslandsvinir

Tengdar fréttir

Sendinefnd Úkraínu mætir til Íslands án Selinskí

Denys Shmyhal, forsætisráðherra Úkraínu, leiðir sendinefnd landsins á leiðtogafundi Evrópuráðsins í Reykjavík. Í föruneyti hans verður Denys Maliuska dómsmálaráðherra en Volodimír Selenskí forseti kemur ekki til landsins.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið