Fær „draumaferð“ sem fór út um þúfur ekki bætta Kjartan Kjartansson skrifar 12. apríl 2023 19:39 Starfsmönnum flugvalla var sagt upp í ládeyðunni í kórónuveirufaraldrinum. Þegar eftirspurn eftir ferðlögum jókst í fyrra voru vellirnir margir fáliðaðir sem olli miklum töfum og glundroða víða um heim. Myndin er úr safni og tengist efni fréttarinnar ekki með beinum hætti. Vísir/EPA Kona sem missti af því sem hún lýsti sem draumaferð vegna glundroða á alþjóðlegum flugvöllum síðasta sumar fær kostnað sinn ekki endurgreiddan frá ferðaskrifstofunni sem bókaði ferðina. Hún taldi ráðgjöf ferðaskrifstofuna hafa verið óábyrga vegna ástandsins á flugvöllum á þeim tíma. Miklar tafir voru á fáliðuðum flugvöllum víða um heim þegar ferðamannastraumur tók aukast aftur eftir kórónuveiruheimsfaraldurinn í fyrra. Víða mynduðust langar biðraðir, farangur staflaðist upp og þúsundir misstu af flugferðum. Á meðal þeirra var kona sem keypti sér tveggja vikna pakkaferð hjá ferðaskrifstofunni Kilroy í júlí og ágúst í fyrra. Hún taldi sig nauðbeygða til þess að hætta við ferðina eftir að hún missti af fyrra tengiflugi sínu af tveimur vegna tafa og öngþveitis á flugvellinum ytra. Hún kvartaði til kærunefndar vöru- og þjónustukaupa vegna ágreinings við ferðaskrifstofuna og krafði hana um að fá kostnað sinn endurgreiddan. Ferðaskrifstofan vildi ekki taka ábyrgð á röskuninni og vísaði á flugfélagið sem konan flaug með. Ekki kemur fram í kvörtuninni hver ferðaskrifstofan er. Í henni er hins vegar vísað í texta á vefsíðu ferðaskrifstofunnar sem er samhljóða texta á vefsíðu Kilroy. Sneri frekar heim en að bjarga sér sjálf á áfangastað Konan lýsti ferðinni sem sannkallaðri draumaferð í kvörtun sinni. Hún hafi ætlað að læra spænsku, stunda jóga og taka þátt í sjálfboðaliðastarfi í ferðinni. Ferðaskrifstofan hafi gengið frá öllum pöntunum á flugferðum, gistingu og afþreyingu. Hún átti að fljúga til áfangalandsins í þremur leggjum. Þar ætlaði ferðaskrifstofan að sjá henni fyrir gistingu eina nótt áður en hún yrði sótt með rútu og keyrð í ferju sem flytti hana á endanlegan áfangastað í ónefndum bæ. Flugferð hennar frá Íslandi seinkaði þannig að vélin lenti á fyrsta tengiflugvellinum um klukkutíma á eftir áætlun. Þá var innan við klukkustund í tengiflugferð hennar þaðan. Þrátt fyrir að tengiflugferðinni hafi einnig seinkað missti konan af henni vegna mikilla tafa við fermingu og affermingu flugvéla. Hún reyndi að ná í ferðaskrifstofuna en enginn starfsmaður var á skrifstofu vegna þess að það var laugardagur um verslunarmannahelgi. Ekkert neyðarnúmer var í boði. Konan sagði að hún hefði aðeins haft tvo kosti í stöðunni. Annars vegar að kaupa þrjár aukaflugferðir sem flugfélagið bauð henni til að komast á enda flughluta ferðarinnar. Þá hefði hún hins vegar misst af því að vera sótt og flutt áfram á endanlegan áfangastað sinn. Hún hefði þá verið á eigin vegum og þurft að bjarga sér sjálf á áfangastað. Hinn möguleikinn hafi verið að hætta við ferðina og fljúga aftur heim til Íslands. Hún hafi séð sér þann kost vænstan að kaupa flugfar heim fyrir rúmar 177.000 krónur. Flugferð konunnar frá Keflavík var seinkað í tvígang sem leiddi til þess að hún var klukkutíma á eftir áætlun á fyrsta tengliflugvellinum af tveimur.Vísir/Vilhelm Taldi ótækt að bíða eftir farsælli lausn fram yfir verslunarmannahelgi Konan taldi sig hlunnfarna. Hún kvartaði undan að hafa ekki verið upplýst um glundroðann á flugvöllum fyrir fram og mögulegar afleiðingar af honum fyrir ferðina. Ferðaráðgjöf fyrirtækisins hafi verið óábyrg þar sem ekki hafi verið gert ráð fyrir nægum tíma milli flugferða. Krafði konan Kilroy um allan útlagðan kostnað vegna ferðarinnar, alls meira en 650.000 krónur. Kilroy byggði varnir sínar á því að fyrirtækið hefði ekki vitað af glundroðanum á flugvöllum þegar ferðin var bókuð í febrúar í fyrra. Bókanir þess hafi verið í samræmi við lágmarkstengitíma flugvallanna sem um ræddi. Það hafi verið ábyrgð flugfélagsins að greiða úr vanda konunnar eftir að hún missti af fyrstu tengiflugferðinni. Hefði konan náð í ferðaskrifstofuna hefði henni verið vísað á flugfélagið til aðstoðar. Eðlilegast hefði verið að konan færi eftir ráðleggingum um að leita beint til flugfélagsins um ráðstafanir til að komast á áfangastað. Hefði konan gert það hefði ferðaskrifstofan unnið að því hörðum höndum að finna farsæla lausn á því að bæta úr þegar hún hefði verið komin á áfangastað. Konan hefði ekki gefið fyrirtækinu kost á því þar sem hún hafi af sjálfsdáðum ákveðið að snúa strax heim til Íslands. Þessu mótmælti konan og sagði ótækt að ætlast til þess að hún ætti að bíða á hóteli frá laugardegi fram á þriðjudag eftir verslunarmannahelgi til þess að ná í Kilroy til að finna slíka farsæla lausn. Flugfélagið hafi ennfremur sagt henni að hún þyrfti að greiða því fyrir að koma sér á áfangastað og óvíst væri hvort að það tæki ábyrgð á röskuninni. Síðar hafi verið staðfest að það gerði það ekki. Fyrirgerði rétti sínum með því að fljúga heim Kærunefndin hafnaði kröfu konunnar. Hún taldi að jafnvel þó að hún hafi misst af einni flugferð af þremur í upphafi ferðar hefði það ekki gefið henni rétt til þess að rifta allri pakkaferðinni og krefjast fullrar endurgreiðslu og skaðabóta. Vísaði nefndin til ákvæðis laga um pakkaferðir um að ferðamaður skuli veita skipuleggjanda eða smásala hæfilegan frest til að ráða bót á vanefndum sem eru á framkvæmd samnings um pakkaferð. Hafi konan talið ferðaskrifstofuna seka um vanefndir hefði hún átt að gefa henni hæfilegan frest til úrbóta. Í kjölfarið hefði hún getað farið fram á afslátt eða bætur vegna röskunar á ferðinni. Vegna þess að konan kaus að fljúga strax heim til Íslands í stað þess að stuðla að efndum á samningum við ferðaskrifstofuna væru ekki skilyrði til þess að rifta pakkaferðinni eða úrskurða henni bætur eða afslátt. Ferðalög Neytendur Faraldur kórónuveiru (COVID-19) Fréttir af flugi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lokar Önnu Jónu og segir það mikinn létti Viðskipti innlent Sjö vilja taka við af Gunnari Viðskipti innlent Vinnunetföng algeng leið fyrir hakkara til að brjótast inn í íslensk fyrirtæki Viðskipti innlent Hagnaður Landsbankans nam 7,2 milljörðum á fyrstu þremur mánuðum ársins Viðskipti innlent „Ég var skíthrædd að senda þessa tölvupósta“ Atvinnulíf Hefja sölu á íbúðum á Orkureitnum Viðskipti innlent Arnar Már nýr aðstoðarforstjóri Viðskipti innlent Bein útsending: Stærri styrktækifæri í mannvirkjaiðnaði Viðskipti innlent Frumkvöðlar koma saman í Kolaportinu Viðskipti innlent Ástin laðar að: Gott að vera kona á Íslandi, en ekki innflytjandi Atvinnulíf Fleiri fréttir Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Sjá meira
Miklar tafir voru á fáliðuðum flugvöllum víða um heim þegar ferðamannastraumur tók aukast aftur eftir kórónuveiruheimsfaraldurinn í fyrra. Víða mynduðust langar biðraðir, farangur staflaðist upp og þúsundir misstu af flugferðum. Á meðal þeirra var kona sem keypti sér tveggja vikna pakkaferð hjá ferðaskrifstofunni Kilroy í júlí og ágúst í fyrra. Hún taldi sig nauðbeygða til þess að hætta við ferðina eftir að hún missti af fyrra tengiflugi sínu af tveimur vegna tafa og öngþveitis á flugvellinum ytra. Hún kvartaði til kærunefndar vöru- og þjónustukaupa vegna ágreinings við ferðaskrifstofuna og krafði hana um að fá kostnað sinn endurgreiddan. Ferðaskrifstofan vildi ekki taka ábyrgð á röskuninni og vísaði á flugfélagið sem konan flaug með. Ekki kemur fram í kvörtuninni hver ferðaskrifstofan er. Í henni er hins vegar vísað í texta á vefsíðu ferðaskrifstofunnar sem er samhljóða texta á vefsíðu Kilroy. Sneri frekar heim en að bjarga sér sjálf á áfangastað Konan lýsti ferðinni sem sannkallaðri draumaferð í kvörtun sinni. Hún hafi ætlað að læra spænsku, stunda jóga og taka þátt í sjálfboðaliðastarfi í ferðinni. Ferðaskrifstofan hafi gengið frá öllum pöntunum á flugferðum, gistingu og afþreyingu. Hún átti að fljúga til áfangalandsins í þremur leggjum. Þar ætlaði ferðaskrifstofan að sjá henni fyrir gistingu eina nótt áður en hún yrði sótt með rútu og keyrð í ferju sem flytti hana á endanlegan áfangastað í ónefndum bæ. Flugferð hennar frá Íslandi seinkaði þannig að vélin lenti á fyrsta tengiflugvellinum um klukkutíma á eftir áætlun. Þá var innan við klukkustund í tengiflugferð hennar þaðan. Þrátt fyrir að tengiflugferðinni hafi einnig seinkað missti konan af henni vegna mikilla tafa við fermingu og affermingu flugvéla. Hún reyndi að ná í ferðaskrifstofuna en enginn starfsmaður var á skrifstofu vegna þess að það var laugardagur um verslunarmannahelgi. Ekkert neyðarnúmer var í boði. Konan sagði að hún hefði aðeins haft tvo kosti í stöðunni. Annars vegar að kaupa þrjár aukaflugferðir sem flugfélagið bauð henni til að komast á enda flughluta ferðarinnar. Þá hefði hún hins vegar misst af því að vera sótt og flutt áfram á endanlegan áfangastað sinn. Hún hefði þá verið á eigin vegum og þurft að bjarga sér sjálf á áfangastað. Hinn möguleikinn hafi verið að hætta við ferðina og fljúga aftur heim til Íslands. Hún hafi séð sér þann kost vænstan að kaupa flugfar heim fyrir rúmar 177.000 krónur. Flugferð konunnar frá Keflavík var seinkað í tvígang sem leiddi til þess að hún var klukkutíma á eftir áætlun á fyrsta tengliflugvellinum af tveimur.Vísir/Vilhelm Taldi ótækt að bíða eftir farsælli lausn fram yfir verslunarmannahelgi Konan taldi sig hlunnfarna. Hún kvartaði undan að hafa ekki verið upplýst um glundroðann á flugvöllum fyrir fram og mögulegar afleiðingar af honum fyrir ferðina. Ferðaráðgjöf fyrirtækisins hafi verið óábyrg þar sem ekki hafi verið gert ráð fyrir nægum tíma milli flugferða. Krafði konan Kilroy um allan útlagðan kostnað vegna ferðarinnar, alls meira en 650.000 krónur. Kilroy byggði varnir sínar á því að fyrirtækið hefði ekki vitað af glundroðanum á flugvöllum þegar ferðin var bókuð í febrúar í fyrra. Bókanir þess hafi verið í samræmi við lágmarkstengitíma flugvallanna sem um ræddi. Það hafi verið ábyrgð flugfélagsins að greiða úr vanda konunnar eftir að hún missti af fyrstu tengiflugferðinni. Hefði konan náð í ferðaskrifstofuna hefði henni verið vísað á flugfélagið til aðstoðar. Eðlilegast hefði verið að konan færi eftir ráðleggingum um að leita beint til flugfélagsins um ráðstafanir til að komast á áfangastað. Hefði konan gert það hefði ferðaskrifstofan unnið að því hörðum höndum að finna farsæla lausn á því að bæta úr þegar hún hefði verið komin á áfangastað. Konan hefði ekki gefið fyrirtækinu kost á því þar sem hún hafi af sjálfsdáðum ákveðið að snúa strax heim til Íslands. Þessu mótmælti konan og sagði ótækt að ætlast til þess að hún ætti að bíða á hóteli frá laugardegi fram á þriðjudag eftir verslunarmannahelgi til þess að ná í Kilroy til að finna slíka farsæla lausn. Flugfélagið hafi ennfremur sagt henni að hún þyrfti að greiða því fyrir að koma sér á áfangastað og óvíst væri hvort að það tæki ábyrgð á röskuninni. Síðar hafi verið staðfest að það gerði það ekki. Fyrirgerði rétti sínum með því að fljúga heim Kærunefndin hafnaði kröfu konunnar. Hún taldi að jafnvel þó að hún hafi misst af einni flugferð af þremur í upphafi ferðar hefði það ekki gefið henni rétt til þess að rifta allri pakkaferðinni og krefjast fullrar endurgreiðslu og skaðabóta. Vísaði nefndin til ákvæðis laga um pakkaferðir um að ferðamaður skuli veita skipuleggjanda eða smásala hæfilegan frest til að ráða bót á vanefndum sem eru á framkvæmd samnings um pakkaferð. Hafi konan talið ferðaskrifstofuna seka um vanefndir hefði hún átt að gefa henni hæfilegan frest til úrbóta. Í kjölfarið hefði hún getað farið fram á afslátt eða bætur vegna röskunar á ferðinni. Vegna þess að konan kaus að fljúga strax heim til Íslands í stað þess að stuðla að efndum á samningum við ferðaskrifstofuna væru ekki skilyrði til þess að rifta pakkaferðinni eða úrskurða henni bætur eða afslátt.
Ferðalög Neytendur Faraldur kórónuveiru (COVID-19) Fréttir af flugi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lokar Önnu Jónu og segir það mikinn létti Viðskipti innlent Sjö vilja taka við af Gunnari Viðskipti innlent Vinnunetföng algeng leið fyrir hakkara til að brjótast inn í íslensk fyrirtæki Viðskipti innlent Hagnaður Landsbankans nam 7,2 milljörðum á fyrstu þremur mánuðum ársins Viðskipti innlent „Ég var skíthrædd að senda þessa tölvupósta“ Atvinnulíf Hefja sölu á íbúðum á Orkureitnum Viðskipti innlent Arnar Már nýr aðstoðarforstjóri Viðskipti innlent Bein útsending: Stærri styrktækifæri í mannvirkjaiðnaði Viðskipti innlent Frumkvöðlar koma saman í Kolaportinu Viðskipti innlent Ástin laðar að: Gott að vera kona á Íslandi, en ekki innflytjandi Atvinnulíf Fleiri fréttir Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Sjá meira