Erlent

Eldgos á Kamtsjaka gæti raskað flugi

Atli Ísleifsson skrifar
Um sextíu stór gos hafa orðið í Shiveluch á síðustu 10 þúsund árum, það síðasta árið 2007. Myndin er tekin árið 2019.
Um sextíu stór gos hafa orðið í Shiveluch á síðustu 10 þúsund árum, það síðasta árið 2007. Myndin er tekin árið 2019. Getty

Eldgos er hafið í eldfjallinu Shiveluch á Kamtsjaka, austast í Rússlandi, og hefur öskustrókurinn náð tíu kílómetra hæð. Búist er við að gosið gæti raskað flugsamgöngum í heimshlutanum, en síðat gaus í Shiveluch árið 2007 og leiddi það til mikilla samgöngutruflana.

Gosið hófst snemma í morgun og hafa yfirvöld á svæðinu varað við að öskusprengingar gætu orðið. Þá hefur verið varað við að gosið gæti haft áhrif á alþjóðaflug og lágflug í grennd við fjallið.

Erlendir fjölmiðlar segja að öskuskýið hafi dreifst til vesturs og suðurs á svæði sem mælist nú 400 sinnum 270 kílómetrar. Fastlega er gert ráð fyrir að askan muni halda áfram að dreifa sér yfir enn stærra svæði.

Skólum í grennd við eldfjallið hefur verið lokað og þá hefur íbúum verið fyrirskipað að halda sér innandyra.

Um 160 eldfjöll er að finna Kamtsjaka-skaga, en innan við þrjátíu þeirra eru virk. Um sextíu stór gos hafa orðið í Shiveluch á síðustu 10 þúsund árum, það síðasta árið 2007.

Rússland Eldgos og jarðhræringar
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið