Viðskipti innlent

Birta nýr markaðs­stjóri Arctic Adventures

Birta Ísólfsdóttir
Birta Ísólfsdóttir Aðsend

Birta Ísólfsdóttir hefur verið ráðin til ferðaþjónustufyrirtækisins Arctic Adventures, þar sem hún tekur við stöðu markaðsstjóra. Birta kemur til Arctic frá stafrænu markaðs- og auglýsingastofunni KIWI þar sem hún starfaði sem markaðsráðgjafi.

Í tilkynningu kemur fram að Birta sé með próf í fatahönnun frá Listaháskóla Íslands og stundað meistaranám við sama skóla. 

Hún hafi einnig starfað sem hönnuður og hönnunarstjóri hjá fyrirtækjum á borð við NTC og 66° Norður. Hún hefur þegar hafið störf hjá Arctic Adventures.

Arctic Adventures skipuleggur, selur og sér um framkvæmd ferða og afþreyingar og nær saga þess aftur til 1983. Um tvö hundruð starfsmenn starfa hjá fyrirtækinu bæði á Íslandi og í Vilnius.

Ferðamennska á Íslandi Auglýsinga- og markaðsmál Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið