James Einar Becker er stjórnandi þáttanna, Tork gaurinn sjálfur. Hann byrjar þáttinn á Fiat 500 á eyjunni Tenerife. Leigði hann bílinn þar í fríi sínu til þess að skoða eyjuna betur. Meðal þess sem hann gerði var að þræða helstu fjallvegi eyjunnar til að komast að eldfjallinu Teide sem er á miðri eyjunni.
Hægt er að sjá þáttinn í spilaranum hér fyrir neðan, en sjá má fyrri þætti hér.
Hann segir bílinn vera bæði frábæran á sumrin og á veturna. Hann sé lítill og nettur með blæju sem hentar vel þegar heitt er úti. James hefur sjálfur átt Fiat 500 og var hann aldrei til vandræða á veturna, hann festist aldrei í sköflum heldur keyrði yfir þá.
En þá er förinni aftur heitið til Íslands. Þar prófaði James Einar rafmagnsútgáfu bílsins, Fiat 500e. Vill hann meina að bíllinn sé fallegasti og besti smábíllinn sem hægt er aka á götum Reykjavíkur.
„Það helsta sem er búið að breytast er inni í bílnum. Mælaborðið og afþreyingarkerfið er orðið snertiskjáir og fínt. Fallegir og góðir litir. Á gamla bílnum átti handfangið að utan til að brotna en nú er búið að koma handfanginu fyrir undir „body-inu“ þannig að það er ekki að fara að brotna af,“ segir James um muninn á bílunum.
