Viðskipti innlent

Bein út­sending: Að­gerðir á vinnu­markaði í heims­far­aldri

Atli Ísleifsson skrifar
Ráðstefnan stendur til kl. 16:00 í dag og er haldin í tilefni af formennsku Íslands í Norrænu ráðherranefndinni.
Ráðstefnan stendur til kl. 16:00 í dag og er haldin í tilefni af formennsku Íslands í Norrænu ráðherranefndinni. Stjr/Sigurjón Ragnar

Norræn ráðstefna stendur nú yfir á Grand Hótel um það hvað Norðurlöndin geta lært af þeim aðgerðum sem þau gripu til á vinnumarkaði vegna heimsfaraldursins. Ráðstefnan hefst klukkan 9 og stendur til klukkan 16 og er haldin í tilefni af formennsku Íslands í Norrænu ráðherranefndinni. Hægt er að fylgjast með beinu streymi í spilara að neðan.

Í tilkynningu á vef félags- og vinnumálaráðuneytisins segir að Efnahags- og framfarastofnunin, OECD, birti í dag umfangsmikla úttekt sem liggi til grundvallar ráðstefnunni  sem ger yfirskriftina Hvað má læra af aðgerðum sem gripið var til á vinnumarkaði vegna heimsfaraldursins?

„Skýrslunni og ráðstefnunni er ætlað að varpa ljósi á viðbrögð norrænna stjórnvalda og áhrif heimsfaraldursins á vinnumarkað Norðurlandanna með það að leiðarljósi að ríkin verði betur í stakk búin þegar áföll verða á vinnumarkaði í framtíðinni.“

Meðal þeirra sem taka þátt í umræðum á ráðstefnunni eru Karen Ellemann, framkvæmdastjóri Norrænu ráðherranefndarinnar, Katrín Jakobsdóttir, forsætisráðherra, Guðmundur Ingi Guðbrandsson, félags- og vinnumarkaðsráðherra, og Stefano Scarpetta, framkvæmdastjóri félags- og vinnumarkaðsmála hjá OECD.

Ráðstefnustjóri er Sigrún Gunnarsdóttir, prófessor við viðskiptafræðideild Háskóla Íslands og doktor á sviði lýðheilsu, stefnumótunar og stjórnunar. Stjórnandi pallborðsumræðna er Huginn Freyr Þorsteinsson, doktor í heimspeki og stjórnarformaður Vinnumálastofnunar.

Norðurlandaráð Vinnumarkaður Faraldur kórónuveiru (COVID-19)


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið