Kristín Linda nýr stjórnarformaður Samorku

Máni Snær Þorláksson skrifar 15. mars 2023 12:08

Kristín Linda Árnadóttir er nýr stjórnarformaður Samorku, samtaka orku- og veitufyrirtækja. Samorka

Kristín Linda Árnadóttir, aðstoðarforstjóri Landsvirkjunnar, var kjörin stjórnarformaður Samorku, samtaka orku- og veitufyrirtækja á aðalfundi samtakanna í dag. Hún tekur við starfinu af Berglindi Rán Ólafsdóttur, framkvæmdastýru Orku náttúrunnar.

Þetta kemur fram í tilkynningu frá Samorku. Þá kemur einnig fram að þrjú ný taki sæti í stjórn Samorku, það eru Björk Þórarinsdóttir, framkvæmdastjóri fjármála hjá HS Orku, Páll Erland, forstjóri HS Veitna, og Magnús Kristjánsson, framkvæmdastjóri Orkusölunnar.

Áfram sitja þau Hrefna Hallgrímsdóttir, forstöðumaður hitaveitu hjá Veitum, Sigurður Þór Haraldsson, veitustjóri Selfossveitna, og Steinn Leó Sigurðsson, sviðstjóri Veitu og framkvæmdasviðs hjá Skagafjarðarveitum, í stjórninni.

Eyþór Björnsson, forstjóri Norðurorku, og Harpa Pétursdóttir, stjórnandi málefna haghafa og stjórnsýslu hjá Orku náttúrunnar voru kjörin varamenn í fyrsta sinn.

Fyrir eru Aðalsteinn Þórhallsson, framkvæmdastjóri Hitaveitu Egilsstaða og Fella, Jón Trausti Kárason, forstöðumaður vatns- og fráveitu hjá Veitum og Hörður Arnarson, forstjóri Landsvirkjunar, varamenn í stjórn.

Vistaskipti Orkumál

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.