Kröfur upp á 735 milljónir í þrotabú Hótel Sögu

Auður Ösp Guðmundsdóttir skrifar 14. mars 2023 16:45

Vísir greindi frá því í september árið 2021 að Félagið Hótel Saga ehf. hefði verið tekið til gjaldþrotaskipta. Stöð 2/Egill

Skiptum er lokið í þrotabú Hótel Sögu ehf., rekstrarfélagsins sem Íslands rak Hótel Sögu í Bændahöllinni við Hagatorg um áratugaskeið. Lýstar kröfur voru tæpar 735 milljónir króna.

Þetta kemur fram í Lögbirtingablaðinu.

Skiptum á búinu var lokið 28. febrúar 2023. Samþykktar veðkröfur að fjárhæð kr. 36.752.543 voru greiddar að fullu. Samþykktar forgangskröfur að fjárhæð kr. 73.043.026 voru greiddar að fullu. Upp í samþykktar almennar kröfur að fjárhæð kr. 625.118.694 greiddust kr. 8.361.559, eða um 1,33%

Vísir greindi frá því í september árið 2021 að Félagið Hótel Saga ehf. hefði verið tekið til gjaldþrotaskipta.

Félagið, sem er í eigu Bændasamtaka Íslands rak Hótel Sögu í Bændahöllinni við Hagatorg um áratugaskeið, en hótelinu var lokað í nóvember árið 2020. Í tilkynningu frá eigendum var áhrifum af Covid-heimsfaraldrinum kennt um.

Samkvæmt heimasíðu Bændasamtakanna var hótelreksturinn í tveimur félögum í eigu samtakanna, annars vegar Hótel Saga ehf., sem rak hótelið sjálft, og hins vegar Bændahöllinni ehf. sem rak fasteignina.

Sumarið 2021 var sagt frá því að viðræður stæðu yfir við aðila tengdum Hótel Óðinsvé um kaup á húsinu. Háskóli Íslands keypti að lokum húsnæðið og er það í dag notað undir stúdentaíbúðir sem og aðra starfsemi.

Ferðamennska á Íslandi Reykjavík Faraldur kórónuveiru (COVID-19) Gjaldþrot Salan á Hótel Sögu

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.