Gamli bærinn minn í nýju sveitarfélagi Magnús Guðmundsson, Sigfinnur Mikaelsson og Benedikta Svavarsdóttir skrifa 12. mars 2023 14:30 Nú hefur Sigurður Ingi Jóhannsson staðfest Strandsvæðaskipulag Austfjarða með bros á vör. Athugasemdum þurfti að skila inn fyrir 15. sept. 2022. Níutíu og átta athugasemdir bárust, flestar varðandi Seyðisfjörð. Skoðum eftirfarandi athugasemd Múlaþings "Umhverfis- og framkvæmdaráð gerir ekki athugasemd við framkomna tillögu, strandsvæðaskipulag Austfjarða. En bendir hins vegar á að æskilegra væri að skipulagsvald sveitarfélaga næði til hafsvæða inni á fjörðum þar sem sú staða getur verið uppi að mannvirki á haffletinum hafi eins mikil áhrif á umhverfi og ásýnd líkt og þau sem eru á landi. Allir sem vilja láta sig varða skipulag svæðisins eru hvattir til að kynna sér skipulagstillöguna og koma á framfæri ábendingum og eða athugasemdum við skipulagstillöguna og umhverfismat hennar. " Samþykkt með 4 atkvæðum 2(PH. ÞÓ) eru á móti 1(ÁHB) sat hjá. Stjórnsýsla á villigötum Er ekki sveitarstjórnarfólk að misskilja til hvers það er kosið? Þið hafið fullan rétt á og eigið að senda inn athugasemdir þegar þverbrjóta á lög og reglugerðir í sveitarfélaginu, en sleppið því og hvetjið aðra til að gera það. Þetta eru ekki stórmannleg vinnubrögð við uppbyggingu nýs sveitarfélags. Minnum líka á að þegar sjókvíaeldis fyrirtækin ókyrrast þá hóta þau skaðabótamáli vegna uppbyggingarinnar. Með því að samþykkja eldi í firðinum á vafasömum forsendum er líka verið að taka áhættu á margmilljarða málsóknum eldisfélaganna ef eitthvað breytist síðar og eldið verður lagt af með lögum. Íbúalýðræðið 75% íbúa Seyðisfjarðar eru á móti sjókvíaeldi í firðinum. Skv. fundargerð Heimastjórnar Seyðisfjarðar 08.03.2023 er engin bókun um að heimastjórnin taki mark á þessari afdráttarlausu niðurstöðu. Við treystum því að minni hluti sveitarstjórnar geri það. En hvað með meirihlutann? Ætlar hann að halda áfram að styðja við algerlega siðlausan yfirgang Ice Fish Farm, við að troða með öllum tiltækum ráðum sjókvíaeldi í Seyðisfjörð, og taka þar með fullan þátt í að brjóta lög og reglur, í stað þess að virða íbúalýðræðið í Múlaþingi? Fjögur sveitarfélög með misjafnan bakgrunn og þarfir, sem eiga að sameinast undir einu þaki, þurfa öll að fá að þróast, dafna og blómstra á sínum forsendum ef sameinað sveitarfélag á að vera fallegt og eiga sér framtíð. Þið takið alla vega ekki einn úr fjögurra manna bekk og setjið hann út í horn eða vaðið yfir hann á skítugum skónum og hreinlega berjið til hlýðni. Fallegt – NEI. Gamli bær, byggðin mín Seyðisfjarðarhöfn er önnur stærsta millilanda ferðamannagátt landsins og fjórða stærsta skemmtiferðaskipahöfnin. 92% allra ferðamanna, sem koma um Egilstaðaflugvöll koma á Seyðisfjörð, til að skoða gömul hús, sem mörg hýsa góða veitingastaði og gistingar. Þar er líka listalýðháskóli og fræðasetrið á Skálanesi, sem hvort tveggja hefur laðað að sér fólk frá mismunandi löndum. Eigum við að tala um Bláu kirkjuna, Regnbogastræti https://www.youtube.com/watch?v=w6_obauULw0 og auglýsingu Inspired by Iceland https://www.youtube.com/watch?v=f88UJyCA__M. Allt þetta hefur kynnt Seyðisfjörð fyrir fólki úr öllum heimshornum, og gert hann að þeim sérstaka bæ sem hann er. Seyðisfjörður var fyrstur til að styðja hinsegin samfélagið með regnbogastræti, og hellurnar í því eru ekkert verksmiðjudót. Þær voru handunnar í áhaldahúsinu á sínum tíma að nokkrum pjökkum og einn þeirra er starfsmaður enn í dag. Sjókvíaeldi á ekki heima í þessum fagra bæ. Af hverju styður Múlaþing ekki Seyðisfjörð til að vaxa áfram og dafna á sínum forsendum? Falleg framtíðarsýn Eða eins og Seyðfirðingurinn Gunnþór Ingvason framkvæmdastjóri SVN orðaði svo vel 16. janúar 2021 eftir skriðuföllin miklu:„Á síðustu árum hefur Seyðisfjörður fest sig í sessi sem menningar- og ferðamannabær. Að koma heim á heitum sumardögum er dásemdin ein, þar sem fjölþjóðlegt mannlíf nýtur sín í skjóli tignarlegra fjallanna sem umvefja byggðina með logni á fögrum sumarkvöldum. Fólk upplifir fegurðina í stillunni við ánna og nýtur lífsins.Sagan og menningin sem bærinn hefur að geyma á að vera grunnur að framtíðaruppbyggingu Seyðisfjarðar. Fegurðin í kringum bæjarstæðið er einstök, hana ber að fanga í framtíðarskipulagi bæjarins út frá lóninu og upp með ánni. Náttúran er líka einstök til útiveru, fjallgöngur, fjörðurinn lygn, lognið algjört, sumarkvöldin þar sem austfjarðaþokan sveipar hulu sinni yfir bæinn.“ Baráttan er ekki búin Við hjá VÁ munum alla vega nota kraftinn í firðinum okkar fagra, til að berjast áfram við að vernda og umvefja hann. Við finnum fyrir miklum stuðningi víða að. Í nýrri könnun er 61% landsmanna andvígir sjókvíaeldi. Á þessari mynd er ytri höfnin í Seyðisfirði með þrem kvíastæðum sem hvert er 1.800 * 500 m. Það er eðlileg stærð fyrir umsókn Ice Fish Farm um sjókvíaeldi í Seyðisfirði. Breiddin frá Borgartanga og yfir fjörðinn við innsta kvíastæðið er um 880 m og til samanburðar er siglingaleiðin frá Sundahöfn út í Viðey sú sama. Sjá menn fyrir sér sjókvíaeldi þar, sem lokar aðkomu bæði Samskipa og Eimskipa? Skyldi innviðaráðherra samþykkja það? Höfundar eru félagsmenn i VÁ Viltu birta grein á Vísi? Sendu okkur póst. Senda grein Múlaþing Sjókvíaeldi Magnús Guðmundsson Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir Skoðun Katrín og Gunnar? Hjörtur J. Guðmundsson Skoðun Ótímabundin leyfi, ótímabundið náttúruníð Elvar Örn Friðriksson Skoðun Breiðholt brennur Eðvarð Hilmarsson Skoðun Er þetta í alvöru verðlaunaefni? Snorri Másson Skoðun Biskup í tengslum Guðrún Karls Helgudóttir Skoðun Er stóraukin lýðræðisþátttaka ekki verðlaunaefni? Einar Freyr Elínarson Skoðun Dýravelferðarmartröð af áður óþekktri stærð Benedikta Guðrún Svavarsdóttir Skoðun Það vantar vanan og áreiðanlegan mann í verkið Haraldur Ólafsson Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir Skoðun Skoðun Skoðun Katrín og Gunnar? Hjörtur J. Guðmundsson skrifar Skoðun Ótímabundin leyfi, ótímabundið náttúruníð Elvar Örn Friðriksson skrifar Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir skrifar Skoðun Er stóraukin lýðræðisþátttaka ekki verðlaunaefni? Einar Freyr Elínarson skrifar Skoðun Árangur gegn verðbólgu Þórdís Kolbrún R. Gylfadóttir skrifar Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir skrifar Skoðun Hvar er híbýlaauður? Anna María Bogadóttir skrifar Skoðun Áhugaverðir tímar kalla á áhugaverðan forseta Cody Alexander Skahan skrifar Skoðun Biskup í tengslum Guðrún Karls Helgudóttir skrifar Skoðun Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir skrifar Skoðun Dýravelferðarmartröð af áður óþekktri stærð Benedikta Guðrún Svavarsdóttir skrifar Skoðun Uppskera að vori Lilja Dögg Alfreðsdóttir skrifar Skoðun Er menning stórmál? Ingibjörg Ösp Stefánsdóttir skrifar Skoðun Það vantar vanan og áreiðanlegan mann í verkið Haraldur Ólafsson skrifar Skoðun Leikskólamál eru forgangsmál Hólmfríður Jennýjar Árnadóttir,Álfhildur Leifsdóttir skrifar Skoðun Himinhátt innanlandsflug Ingibjörg Isaksen skrifar Skoðun Hefur allt sem þarf Vilborg Gunnarsdóttir skrifar Skoðun Af hverju að gera rekstraráætlun? Karl Sólnes Jónsson skrifar Skoðun Norskur skammtímagróði Gunnlaugur Stefánsson skrifar Skoðun Æpandi vanþekking Hjálmar Jónsson skrifar Skoðun Mannréttindi sama hvað Arndís Anna Kristínardóttir Gunnarsdóttir skrifar Skoðun Helga Þórisdóttir og fjöregg íslenskrar þjóðar Páll Torfi Önundarson skrifar Skoðun Er þetta í alvöru verðlaunaefni? Snorri Másson skrifar Skoðun Ótímabundin ráðgjöf til ríkisstjórnar Snæbjörn Brynjarsson skrifar Skoðun Lykillinn að orkuskiptunum er úr áli Guðríður Eldey Arnardóttir skrifar Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason skrifar Skoðun „Vitum ekkert hvað við erum að gera“ Hjörtur J. Guðmundsson skrifar Skoðun Nýtt örorkukerfi – verra þeirra réttlæti Marinó G. Njálsson skrifar Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir skrifar Skoðun Þurfum við að koma Íslandi aftur á rétta braut? Diljá Mist Einarsdóttir skrifar Sjá meira
Nú hefur Sigurður Ingi Jóhannsson staðfest Strandsvæðaskipulag Austfjarða með bros á vör. Athugasemdum þurfti að skila inn fyrir 15. sept. 2022. Níutíu og átta athugasemdir bárust, flestar varðandi Seyðisfjörð. Skoðum eftirfarandi athugasemd Múlaþings "Umhverfis- og framkvæmdaráð gerir ekki athugasemd við framkomna tillögu, strandsvæðaskipulag Austfjarða. En bendir hins vegar á að æskilegra væri að skipulagsvald sveitarfélaga næði til hafsvæða inni á fjörðum þar sem sú staða getur verið uppi að mannvirki á haffletinum hafi eins mikil áhrif á umhverfi og ásýnd líkt og þau sem eru á landi. Allir sem vilja láta sig varða skipulag svæðisins eru hvattir til að kynna sér skipulagstillöguna og koma á framfæri ábendingum og eða athugasemdum við skipulagstillöguna og umhverfismat hennar. " Samþykkt með 4 atkvæðum 2(PH. ÞÓ) eru á móti 1(ÁHB) sat hjá. Stjórnsýsla á villigötum Er ekki sveitarstjórnarfólk að misskilja til hvers það er kosið? Þið hafið fullan rétt á og eigið að senda inn athugasemdir þegar þverbrjóta á lög og reglugerðir í sveitarfélaginu, en sleppið því og hvetjið aðra til að gera það. Þetta eru ekki stórmannleg vinnubrögð við uppbyggingu nýs sveitarfélags. Minnum líka á að þegar sjókvíaeldis fyrirtækin ókyrrast þá hóta þau skaðabótamáli vegna uppbyggingarinnar. Með því að samþykkja eldi í firðinum á vafasömum forsendum er líka verið að taka áhættu á margmilljarða málsóknum eldisfélaganna ef eitthvað breytist síðar og eldið verður lagt af með lögum. Íbúalýðræðið 75% íbúa Seyðisfjarðar eru á móti sjókvíaeldi í firðinum. Skv. fundargerð Heimastjórnar Seyðisfjarðar 08.03.2023 er engin bókun um að heimastjórnin taki mark á þessari afdráttarlausu niðurstöðu. Við treystum því að minni hluti sveitarstjórnar geri það. En hvað með meirihlutann? Ætlar hann að halda áfram að styðja við algerlega siðlausan yfirgang Ice Fish Farm, við að troða með öllum tiltækum ráðum sjókvíaeldi í Seyðisfjörð, og taka þar með fullan þátt í að brjóta lög og reglur, í stað þess að virða íbúalýðræðið í Múlaþingi? Fjögur sveitarfélög með misjafnan bakgrunn og þarfir, sem eiga að sameinast undir einu þaki, þurfa öll að fá að þróast, dafna og blómstra á sínum forsendum ef sameinað sveitarfélag á að vera fallegt og eiga sér framtíð. Þið takið alla vega ekki einn úr fjögurra manna bekk og setjið hann út í horn eða vaðið yfir hann á skítugum skónum og hreinlega berjið til hlýðni. Fallegt – NEI. Gamli bær, byggðin mín Seyðisfjarðarhöfn er önnur stærsta millilanda ferðamannagátt landsins og fjórða stærsta skemmtiferðaskipahöfnin. 92% allra ferðamanna, sem koma um Egilstaðaflugvöll koma á Seyðisfjörð, til að skoða gömul hús, sem mörg hýsa góða veitingastaði og gistingar. Þar er líka listalýðháskóli og fræðasetrið á Skálanesi, sem hvort tveggja hefur laðað að sér fólk frá mismunandi löndum. Eigum við að tala um Bláu kirkjuna, Regnbogastræti https://www.youtube.com/watch?v=w6_obauULw0 og auglýsingu Inspired by Iceland https://www.youtube.com/watch?v=f88UJyCA__M. Allt þetta hefur kynnt Seyðisfjörð fyrir fólki úr öllum heimshornum, og gert hann að þeim sérstaka bæ sem hann er. Seyðisfjörður var fyrstur til að styðja hinsegin samfélagið með regnbogastræti, og hellurnar í því eru ekkert verksmiðjudót. Þær voru handunnar í áhaldahúsinu á sínum tíma að nokkrum pjökkum og einn þeirra er starfsmaður enn í dag. Sjókvíaeldi á ekki heima í þessum fagra bæ. Af hverju styður Múlaþing ekki Seyðisfjörð til að vaxa áfram og dafna á sínum forsendum? Falleg framtíðarsýn Eða eins og Seyðfirðingurinn Gunnþór Ingvason framkvæmdastjóri SVN orðaði svo vel 16. janúar 2021 eftir skriðuföllin miklu:„Á síðustu árum hefur Seyðisfjörður fest sig í sessi sem menningar- og ferðamannabær. Að koma heim á heitum sumardögum er dásemdin ein, þar sem fjölþjóðlegt mannlíf nýtur sín í skjóli tignarlegra fjallanna sem umvefja byggðina með logni á fögrum sumarkvöldum. Fólk upplifir fegurðina í stillunni við ánna og nýtur lífsins.Sagan og menningin sem bærinn hefur að geyma á að vera grunnur að framtíðaruppbyggingu Seyðisfjarðar. Fegurðin í kringum bæjarstæðið er einstök, hana ber að fanga í framtíðarskipulagi bæjarins út frá lóninu og upp með ánni. Náttúran er líka einstök til útiveru, fjallgöngur, fjörðurinn lygn, lognið algjört, sumarkvöldin þar sem austfjarðaþokan sveipar hulu sinni yfir bæinn.“ Baráttan er ekki búin Við hjá VÁ munum alla vega nota kraftinn í firðinum okkar fagra, til að berjast áfram við að vernda og umvefja hann. Við finnum fyrir miklum stuðningi víða að. Í nýrri könnun er 61% landsmanna andvígir sjókvíaeldi. Á þessari mynd er ytri höfnin í Seyðisfirði með þrem kvíastæðum sem hvert er 1.800 * 500 m. Það er eðlileg stærð fyrir umsókn Ice Fish Farm um sjókvíaeldi í Seyðisfirði. Breiddin frá Borgartanga og yfir fjörðinn við innsta kvíastæðið er um 880 m og til samanburðar er siglingaleiðin frá Sundahöfn út í Viðey sú sama. Sjá menn fyrir sér sjókvíaeldi þar, sem lokar aðkomu bæði Samskipa og Eimskipa? Skyldi innviðaráðherra samþykkja það? Höfundar eru félagsmenn i VÁ
Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir Skoðun
Skoðun Er soja að eyðileggja íslenska karlmennsku? Dögg Guðmundsdóttir,Guðrún Nanna Egilsdóttir skrifar
Skoðun Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir skrifar
Skoðun Guðrún biskup – til heilla fyrir okkur öll! Arndís Steinþórsdóttir,Glóey Helgudótir Finnsdóttir skrifar
Skoðun Valdarán í Kirkju sjöunda dags aðventista og tengslin við fyrirhugaðar framkvæmdir í Ölfusi Jón Hjörleifur Stefánsson,Ómar Torfason skrifar
Skoðun Dánaraðstoð: Rangfærslur varðandi skrif Læknafélags Íslands Ingrid Kuhlman,Bjarni Jónsson,Sylviane Lecoulte,Steinar Harðarson,Veturliði Þór Stefánsson,Íris Davíðsdóttir skrifar
Saman gegn ríkisofbeldi Vilhjálmur Yngvi Hjálmarsson,Örlygur Steinar Arnaldsson,Sigurhjörtur Pálmason,Simon Valentin Hirt,Kristbjörg Arna E. Þorvaldsdóttir,Ari Logn,Margrét Rut Eddudóttir Skoðun