Viðskipti innlent

Val­gerður og Jóhannes til Terra

Atli Ísleifsson skrifar
Jóhannes Karl Kárason og Valgerður Sigrúnar Vigfúsardóttir.
Jóhannes Karl Kárason og Valgerður Sigrúnar Vigfúsardóttir. Aðsend

Valgerður Sigrúnar Vigfúsardóttir og Jóhannes Karl Kárason hafa tekið við stjórnunarstöðum hjá Terra umhverfisþjónustu.

Í tilkynningu segir að Valgerður hafi verið ráðin forstöðumaður viðskiptadeildar Terra og Jóhannes Karl forstöðumaður akstursþjónustu.

Fram kemur að Valgerður muni leiða deild þjónustu- og viðskiptastjóra. Áður hafi hún starfað hjá A4 í sautján ár og hafi víðtæka reynslu af sölustýringu. „Hjá A4 stýrði hún uppbyggingu húsgagnadeildar og var sölustjóri. Valgerður er verkefnastjóri og markþjálfi að mennt.“

Um Jóhannes Karl segir að hann muni leiða daglegan rekstur og skipulag akstursþjónustu félagsins. 

„Hann kemur frá  Samskipum þar sem hann starfaði sem flotastjóri. Þar áður starfaði hann sem framleiðslustjóri hjá Kerecis á Ísafirði. Jóhannes er með BSc í virðiskeðjustjórnun frá Tækniháskólanum í Horsens í Danmörku. “

Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið