Innlent

Ölfus­ár­brú og að­liggjandi mann­virki í út­boð

Hólmfríður Gísladóttir skrifar
Tölvumynd af nýrri Ölfusárbrú.
Tölvumynd af nýrri Ölfusárbrú.

Vegagerðin hefur auglýst alútboð vegna nýrrar Ölfusárbrúar, ásamt aðliggjandi vegum, vegamótum, brúm og undirgöngum. Leitað er að þátttakendum til að gera tilboð í hönnun, framkvæmd og fjármögnun á framkvæmdatíma.

„Verkefnið felst í byggingu nýs 3,7 km Hringvegar, nýrrar 330 m langrar stagbrúar á Ölfusá, um 1 km af öðrum tveggja akreina vegum, nýjum vegamótum við Hringveg austan Selfoss, undirgöngum undir Hringveg fyrir gangandi, hjólandi og hestamenn ásamt undirgöngum fyrir bíla og gangandi. Einnig er gert ráð fyrir lögnum veitufyrirtækja,“ segir í útboðsauglýsingunni.

Um sé að ræða samkeppnisútboð á grundvelli laga um opinber innkaup, þar sem beitt verður hæfismiðuðu vali og þeim fyrirtækjum boðið til þátttöku sem metin verða hæf á grundvelli auglýsingarinnar.

Útboðið verður auglýst á Evrópska efnahagssvæðinu og umsóknarfresturinn er til 5. apríl.

Þá segir að ekki verði haldinn sérstakur opnunarfundur en eftir að tilboðsfresturinn rennur út verði bjóðendum tilkynnt um nöfn þátttakenda í útboðinu.

Samgöngur Ný Ölfusárbrú Árborg Vegagerð
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið