Þurfa að fjarlægja Matterhorn af umbúðum Toblerone

Árni Sæberg skrifar 5. mars 2023 19:56

Fjallið Matterhorn má ekki lengur prýða umbúðir Toblerone vegna nýlegra svissneskra laga. Getty

Framleiðendur hins sívinsæla súkkulaðis Toblerone neyðast til þess að breyta umbúðum þess eftir að hluti framleiðslunnar var fluttur frá Sviss. Svissnesk lög kveða á um að ekki megi nota svissnesk kennileiti á umbúðum mjólkurvara sem ekki eru framleiddar að öllu leyti í Sviss.

Bandaríski matvælarisinn Mondelez eignaðist Toblerone árið 2012 og hefur nú ákveðið að flytja hluta framleiðslunnar frá upprunalandi þess Sviss. Að sögn talsmanna fyrirtækisins var það gert til þess að mæta aukinni eftirspurn á heimsvísu og að þróa vörumerkið, að því er segir í frétt breska ríkisútvarpsins.

Sá hængur er hins vegar á áætlunum Mondelez að árið 2017 voru lög samþykkt í Sviss sem kveða á um að ekki megi nota svissnesk kennileiti, á borð við Matterhornfjall, á umbúðum mjólkurvara sem ekki eru alfarið framleiddar í landinu.

Aðrar vörur þurfa að vera framleiddar í Sviss að minnst áttatíu prósent hluta til þess að mega nota kennileitin.

Matterhorn hefur prýtt umbúðir súkkulaðsins frá árinu 1970 og er eitt helsta einkenni þess.

Talsmenn Mondelez hafa nú tilkynnt að fjallið verði fjarlægt af umbúðunum og annað merki muni prýða þær ásamt nýrri leturgerð og undirskrift stofnanda Toblerone, Jean Tobler.

Sviss Matvælaframleiðsla Sælgæti Höfundarréttur

Tengdar fréttir

„Frá Sviss“ hverfur af umbúðum Toblerone

Toblerone-súkkulaði hefur alla tíð einungis verið framleitt í Sviss, en framleiðandinn hyggur nú á opnun nýrrar verksmiðju í Slóvakíu. Svissnesk lög kveða á um að vegna þessa þurfi nú að breyta því sem stendur á umbúðunum.

27. júní 2022 08:31

Toblerone neytendur niðurbrotnir eftir umdeildar breytingar

Óhætt er að segja að framleiðendur súkkulaðisins Toblerone séu í skotlínunni eftir umdeildar breytingar á súkkulaðinu þrýhyrningslaga.

8. nóvember 2016 10:51

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir