Innlent

Kærður fyrir líkams­á­rás gegn dreng sem gerði dyra­at

Vésteinn Örn Pétursson skrifar
Maðurinn sem um ræðir er búsettur í Reykjanesbæ. Myndin er úr safni.
Maðurinn sem um ræðir er búsettur í Reykjanesbæ. Myndin er úr safni. Vísir/Egill

Karlmaður í Reykjanesbæ hefur verið kærður fyrir frelsissviptingu og líkamsárás gegn barni. Maðurinn er sakaður um að hafa setið fyrir hópi ellefu ára drengja sem gerði dyraat á heimili hans, ráðist að einum drengjanna og læst hann inni. 

RÚV greinir frá þessu og hefur eftir lögreglustjóranum á Suðurnesjum að maðurinn, sem er sagður á sjötugsaldri, hafi verið kærður. Málið sé til rannsóknar.

Atvikið hafi átt sér stað á sunnudagskvöld. Maðurinn hafi, eftir að drengirnir gerðu fyrst dyraat hjá honum, setið fyrir þeim, ráðist á einn drengjanna og dregið inn á heimili sitt, þar sem hann læsti hann inni. Þar hafi hann haldið drengnum í tíu mínútur og neitað að hleypa honum út.

Það hafi ekki verið fyrr en foreldri eins drengjanna braut rúðu á útidyrahurð hússins sem hægt var að koma drengnum út af heimili mannsins.

Þá er haft eftir móður drengsins að hann hafi hlotið áverka við árásina.

Reykjanesbær Lögreglumál Ofbeldi gegn börnum
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið