Viðskipti innlent

Adriana tekur við af Ás­dísi Eir hjá Mann­auði

Atli Ísleifsson skrifar
Adriana Karólína Pétursdóttir starfar sem leiðtogi starfsmannaþjónustu hjá Rio Tinto á Íslandi (ISAL).
Adriana Karólína Pétursdóttir starfar sem leiðtogi starfsmannaþjónustu hjá Rio Tinto á Íslandi (ISAL). Aðsend

Adriana Karólína Pétursdóttir var kjörin formaður Mannauðs, félags mannauðsfólks á Íslandi. Hún tekur við starfinu af Ásdísi Eir Símonardóttur, mannauðsstjóra Lucinity, sem hefur verið formaður félagsins undanfarin þrjú ár.

Aðalfundi félagsins fór fram 15. febrúar síðastliðinn en Ásdís Eir gaf ekki kost á sér til áframhaldandi setu.

Í tilkynningu kemur fram að Adriana starfi í dag sem leiðtogi starfsmannaþjónustu hjá Rio Tinto á Íslandi (ISAL) og búi yfir víðtækri reynslu og þekkingu á sviði mannauðsmála. Hún er með MIB gráðu í alþjóðaviðskiptum frá Háskólanum á Bifröst.

„Adriana hóf fyrst störf tengd mannauðsmálum árið 1998. Síðan þá hefur hún starfað sem teymisstjóri miðlægar launavinnslu hjá Reykjavikurborg, sem sérfræðingur á mannauðssviði hjá Samskipum með áherslu á vinnurétt og árið 2016 hóf hún störf hjá ISAL og sinnir þar í dag fjölbreyttum verkefnum tengdum mannauðsmálum ásamt því að vera staðgengill framkvæmdastjórans.

Mannauður er félag mannauðsfólks á Íslandi sem telur rúmlega 750 félaga og fer fjölgandi. Markmið og hlutverk félagsins er að efla fagmennsku, vera framsækið og leiðandi á sviði mannauðsstjórnunar í þágu atvinnulífsins.“

Á aðalfundi félagsins var einnig kosin ný stjórn en auk Adriönu skipa stjórnina:

  • Daníel Gunnarsson, mannauðssérfræðingur hjá Alvotech
  • Gyða Kristjánsdóttir, mannauðsráðgjafi (HRBP) stoðsviða ISAVIA
  • Helgi Héðinsson, mannauðsleiðtogi hjá Veitnum
  • Hildur Elín Vignir, framkvæmdstjóri Iðan fræðslusetur
  • Unnur Ýr Konráðsdóttir, mannauðssérfræðingur hjá Lucinity




Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×