Jón, Snorri Páll, Sylvía Kristín og Finnur hlutu stjórnunarverðlaun

Atli Ísleifsson skrifar 21. febrúar 2023 07:38

Guðni Th. Jóhannesson, Jón Björnsson, Finnur Pind, Sylvía Kristín Ólafsdóttir og Snorri Páll Sigurðsson á verðlaunaafhendingunni í gær. Aðsend

Fjórir einstaklingar hlutu Stjórnunarverðlaun Stjórnvísi árið 2023 sem afhent voru við hátíðlega athöfn á Nauthól að viðstöddum forseta Íslands í gær.

Í tilkynningu kemur fram að í flokki yfirstjórnenda hafi Jón Björnsson, forstjóri Origo, fengið verðlaunin afhent. Í flokki millistjórnenda fengu þau Snorri Páll Sigurðsson, deildarstjóri innkaupastýringar Alvotech, og Sylvía Kristín Ólafsdóttir, framkvæmdastjóri þjónustu og markaðssviðs hjá Icelandair, verðlaunin og í flokki framkvöðla var það Finnur Pind, stofnandi og forstjóri Treble Technologies.

Verðlaunin voru veitt í þremur flokkum en þetta er í fjórtánda sinn sem þau eru afhent.

„Stjórnunarverðlaun Stjórnvísi eru árlega veitt stjórnendum fyrirtækja sem þykja hafa skarað fram úr á sínu sviði. Yfirlýst markmið verðlaunanna er að stuðla að aukinni fagmennsku á sviði stjórnunar á Íslandi. Einnig er þeim ætlað að vekja athygli á framúrskarandi starfi stjórnenda og örva umræðu um faglega stjórnun.

Í dómnefnd sátu

Borghildur Erlingsdóttir, formaður dómnefndar og forstjóri Hugverkastofunnar
Friðrik Þór Snorrason, framkvæmdastjóri Verna
Gylfi Dalmann Aðalsteinsson, dósent við viðskiptafræðideild Háskóla Íslands
Katrín S. Óladóttir, framkvæmdastjóri Hagvangs
Margrét Guðmundsdóttir, stjórnarformaður Festi hf. og fyrrverandi forstjóri Icepharma hf.
Salóme Guðmundsdóttir, framkvæmdastjóri hjá PayAnalytics
Þröstur Olaf Sigurjónsson, dósent við viðskiptafræðideild Háskóla Íslands
Ritari dómnefndar er Gunnhildur Arnardóttir, framkvæmdastjóri Stjórnvís“

Origo Alvotech Icelandair Nýsköpun

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.