Tilþrifin: Dabbehhh hreinsar út Breiðablik og Bjarni með tilþrif tímabilsins

Hjörtur Leó Guðjónsson skrifar 10. febrúar 2023 10:45

Dabbehhh og Bjarni áttu tilþrif vikunnar.

Vísir birtir Elko tilþrif kvöldsins úr Ljósleiðaradeildinni í CS:GO eftir hvern keppnisdag í allan vetur. Í þetta sinn er það Dabbehhh í liði Þórs og Bjarni í liði Atlantic Esports sem eiga heiðurinn af tilþrifum kvöldsins.

Þessa vikuna fá lesendur að sjá tilþrif þriðjudagsins og fimmtudagsins í sama pakkanum. Við hefjum leik á tilþrifum þriðjudagsins þar sem Bjarni var allt í öllu í ótrúlegum sigri toppliðs Atlantic Esports gegn Viðstöðu. Bjarni tók þá út fjóra meðlimi anstæðingana á einhvern ótrúlegan hátt og átti stóran þátt í því að toppliðið komst í framlengingu og er nú nánast búið að tryggja sér deildarmeistaratitilinn eftir sigur þriðjudagsins.

Klippa: Elko Tilþrifin: Bjarni tekur út fjóra

Í gær var það svo Dabbehhh sem sýndi frábær tilþrif þegar hann hreinsaði meðlimi Breiðabliks af kortinu einn af öðrum í öruggum sigri Þórs. Þórsarar eru nú jafnir Atlantic að stigum á toppnum, en þurfa að treysta á að toppliðið tapi stigum til að geta stolið deildarmeistaratitlinum.

Klippa: Elko Tilþrifin: Bjarni hreinsar út Breiðablik

Ljósleiðaradeildin Rafíþróttir