Viðskipti innlent

Ragnar og Halla Sig­rún til Fossa

Atli Ísleifsson skrifar
Halla Sigrún Mathiesen og Ragnar Þórarinn Ágústsson.
Halla Sigrún Mathiesen og Ragnar Þórarinn Ágústsson. Fossar

Fossar fjárfestingarbanki hafa ráðið til sín Ragnar Þórarinn Ágústsson sem forstöðumann upplýsingatæknisviðs og Höllu Sigrúnu Mathiesen í teymi fyrirtækjaráðgjafar bankans.

Frá þessu segir í tilkynningu. Þar kemur fram að Ragnar hafi yfir sautján ára alþjóðlega reynslu af hugbúnaðartækni í fjárfestingarbankastarfsemi og stýringu. 

„Áður en Ragnar gekk til liðs við Fossa þá vann hann frá árinu 2014 fyrir Landsbankann sem sérfræðingur, deildarstjóri hugbúnaðarþróunar og svo sem teymisstjóri UT Fjármála og Markaða.

Áður, á árunum 2003-2014, vann Ragnar í London á upplýsingatæknisviði fjárfestingabanka og sjóðastýringar, sem sérfræðingur hjá HSBC fjárfestingarbanka, yfirmaður hugbúnaðarþróunar hjá Landsbankanum í London, yfirmaður UT hjá Man Group FoF og Man Group GLG Partners. Fyrir árin í London var Ragnar meðal annars meðstofnandi Eskils hugbúnaðarhúss.

Ragnar er tölvunarfræðingur frá Háskólanum í Reykjavík.

Halla Sigrún kemur til Fossa fjárfestingarbanka frá Arion banka þar sem hún hefur frá árinu 2018 starfað við fjármögnun fyrirtækja og ráðgjöf. Halla Sigrún hóf feril sinn í rekstri á fyrirtækjasviði áður en hún tók við stöðu viðskiptastjóra á sama sviði. Frá árinu 2020 hefur hún starfað í fyrirtækjaráðgjöf Arion banka.

Halla Sigrún hefur lokið BA gráðu í hagfræði, stjórnmálafræði og sögu frá University College London (UCL) og prófi í verðbréfaviðskiptum,“ segir í tilkynningunni. 

Fossar voru stofnaðir árið 2015 og þjónusta innlenda og erlenda fjárfesta á sviði markaðsviðskipta, fyrirtækjaráðgjafar og eignastýringar. 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×