Brotist inn verslun í Kópavogi í nótt og mikið um ölvunarakstur

Margrét Björk Jónsdóttir skrifar 5. febrúar 2023 07:21

Lögreglan á höfuðborgarsvæðinu sinnti fjölmörgum útköllum í nótt sem tengdust ölvun og slagsmálum. Vísir/Vilhelm

Lögreglan á höfuðborgarsvæðinu hafði í ýmsu að snúast í nótt. Mikið var um ýmiskonar tilkynningar sem tengdust ölvun, slagsmálum og hávaða. Sex einstaklingar voru stöðvaðir grunaðir um akstur undir áhrifum áfengis og einn undir áhrifum áfengis og fíkniefna. Þá var brotist inn í verslun í Kópavogi.

Á þriðja tímanum í nótt barst lögreglu tilkynning um yfirstandandi innbrot í verslun í Kópavogi. Samkvæmt tilkynningunni var um að ræða nokkra einstaklinga sem höfðu yfirgefið vettvang á bifreið. Lögregla hafði upp á þeim og vistaði í fangaklefa og verður málið rannsakað.

Sem fyrr segir var talsvert um ölvunarakstur í nótt auk þess sem einn ökumaður var handtekinn grunaður um akstur undir áhrifum fíkniefna.

Reykjavík Lögreglumál Kópavogur

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.