Jóhanna Margrét til Play

Bjarki Sigurðsson skrifar 4. febrúar 2023 09:29

Jóhanna Margrét Gísladóttir, fyrrverandi dagskrárstjóri Stöðvar 2, hefur verið ráðin sem yfirmaður viðskiptaþróunar hjá flugfélaginu Play.

Fyrir starfaði Jóhanna sem fréttamaður á fréttastofu Stöðvar 2 áður en hún flutti til Bandaríkjanna og stundaði mastersnám í rekstrarverkfræði við Duke-háskóla. Hún hafði fyrir það lokið grunngráðu í faginu við Háskólann í Reykjavík.

Árið 2014 tók hún við starfi framkvæmdastjóra sjónvarpssviðs hjá 365, þáverandi eiganda Stöðvar 2. Hún fór með fyrirtækinu til Sýnar sem keypti fjölmiðlahluta 365 árið 2017 og starfaði sem dagskrárstjóri Stöðvar 2 þar til í desember 2020.

Hún hóf svo störf hjá Skeljungi sem verkefnastjóri í mars 2021 og starfaði sem framkvæmdastjóri þróunarsviðs Orkunnar til haustins 2022.

Vistaskipti Play

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.