Fimm ára fangelsi fyrir gróf brot gegn tveimur konum Auður Ösp Guðmundsdóttir skrifar 1. febrúar 2023 23:35 Fram kemur í dómnum að framburður mannsins sé í litlu samræmi við þau gögn sem liggja fyrir. Vísir/Vilhelm Héraðsdómur Reykjavíkur hefur dæmt karlmann í fimm ára fangelsi fyrir nauðgun, stórfellda líkamsárás og stórfellt brot í nánu sambandi. Um var að ræða brot gegn tveimur konum í aðskildum málum en bæði brotin áttu sér stað þann 1. ágúst 2022. Maðurinn var sakfelldur fyrir að hafa ráðist að fyrrverandi unnustu sinni og sambýliskonu sinni með ofbeldi, hótunum og ólögmætri nauðung og haft samræði og önnur kynferðismök við hana, án hennar samþykkis, utandyra og inni í bifreið við verkstæði í Hafnarfirði. Þá var hann var einnig sakfelldur fyrir stórfellda líkamsárás gegn annarri konu síðar þennan sama dag. Leitaði skjóls hjá ókunnugum Hvað brotin gegn fyrri konunni varðaði var maðurinn ákærður fyrir tilraun til manndráps, nauðgun og stórfellt brot í nánu sambandi með því að hafa brotið rúðu í bíl, slegið konuna ítrekað höfuð og líkama, dregið hana út úr bílnum, hrint henni á malbikið, tekið hana ítrekað hálstaki og kverkataki, rifið í hár hennar, haldið hníf upp að hálsi hennar, þvingað hana til að liggja ofan á glerbrotum og hótað henni lífláti og líkamsmeiðingum, með því að segjast ætla að skera hana á háls og klippa af henni hárið. Á meðan á framangreindu stóð neyddi hann konuna til munnmaka, samræðis og endaþarmsmaka á meðan hún reyndi ítrekað að fá hann til að hætta. Fram kemur í dómi að maðurinn hafi neytt fíkniefna umræddan dag. Fram kemur að konan hafi flúið af vettvangi og leitað aðstoðar hjá ókunnugu fólki sem bjó í nágrenninu. Hún hafi verið með mikla líkamlega áverka og í miklu uppnámi samkvæmt framburði vitna. Við skoðun á neyðarmóttöku fundust áverkar víða á konunni. Fram kemur í skýrslu að hún hafi verið bólgin í andliti með glóðarauga á báðum augum en mun meira hægra megin, með bólgið nef og mar á vörum og hár í óreiðu og flækju að aftan. Þá var hún með marbletti á hálsi undir kjálkabörðum, mörg minni húðsár á fótum og stóra marbletti á báðum hnjám. Þá hafi hún verið miður sín og virkað hrædd og niðurbrotin. Þá segir í matsgerð læknis að allflestir áverkarnir séu ferskir, sem samræmist því að þeir hafi komið til aðfaranótt 1. ágúst 2022. Fram kemur að framburður konunnar fyrir dómi hafi verið stöðugur og trúverðugur og í samræmi við önnur gögn sem liggja fyrir í málinu, og þá sérstaklega frá neyðarmóttöku, bráðamóttöku og matsgerð réttarlæknis. Sagði konuna hafa samþykkt ofbeldið Maðurinn neitaði sök í málinu. Hann gaf þrisvar skýrslu við rannsókn málsins og var framburður hans í meginatriðum á sama veg en lýsingar hans á atvikum þóttu oft takmarkaðar. Byggði hann á því að samþykki konunnar hefði legið fyrir til kynmaka og hálstaks og að ofbeldi hefði annars verið hluti af kynmökum sem konan hefði samþykkt. Fram kemur í dómnum að framburður mannsins sé í litlu samræmi við þau gögn sem liggja fyrir. Þá hafi hann gefið takmarkaðar skýringar á ástandi konunnar. Þá hafi ekkert komið fram sem gat gefið manninum réttmæta ástæðu til að ætla að fyrir lægi samþykki konunnar til kynmaka eða fyrir því að hann beitti hana ofbeldi eða hótaði henni. Maðurinn hefur tvisvar sinnum áður verið sakfelldur fyrir ofbeldisbrot. Í niðurstöðu dómsins kemur fram að maðurinn eigi sér engar málsbætur; atlaga hans hafi verið einstaklega gróf, ófyrirleitin og langvinn en gögn benda til þess að samskipti hans og konunnar á vettvangi hafi staðið í rúmar tvær klukkustundir. Þá hafi brotið haft alvarlegar líkamlegar og andlegar afleiðingar fyrir konuna og með því hafi hann brotið gróflega gegn kynfrelsi hennar. Þá kemur fram að nauðgunin hafi verið „sérstaklega gróf og niðurlægjandi.“ Maðurinn var þó sýknaður af því að hafa gerst sekur um tilraun til manndráps og var brotið heimfært á varakröfu ákæruvaldsins, það er sérstaklega hættulega líkamsárás, nauðgun og stórfellt brot í nánu sambandi. Fimm ára fangelsi Maðurinn var einnig sakfelldur fyrir stórfellda líkamsárás gegn annarri konu sem einnig átti sér stað þann 1. ágúst 2022. Brotið átti sér stað í bíl. Maðurinn var ákærður fyrir að hafa slegið konuna ítrekuðum hnefahöggum í andlitið og í eitt skipti slegið hana í andlitið með olnboga, rifið í hár hennar, sparkað í andlit hennar, tekið hana hálstaki og þrengt að öndunarvegi hennar og dregið hana síðan út úr bifreiðinni. Maðurinn neitaði sök að öðru leyti en því að hafa slegið konuna einu sinni með krepptum hnefa í andlitið og ýtt henni. Tekið er fram í dómnum að maðurinn og konan sem um ræðir séu nú í nánu sambandi og hafi verið hittast um tíma þegar brotið átti sér stað. Með læknisvottorðum sem lágu fyrir og að hluta með framburði konunnar taldi dómurinn sannað að hún hefði hlotið umrædda áverka í samskiptum sínum við manninn. Sannað þótti að maðurinn hefði slegið hana ítrekuðum hnefahöggum í andlitið og sparkað einu sinni í andlit hennar en hann var öðru leyti sýknaður samkvæmt ákæru. Þótti hæfilega ákveðin refsing vera fangelsi í fimm ár en til frádráttar kemur óslitið gæsluvarðhald sem maðurinn hefur sætt frá 2. ágúst 2022. Dómur Héraðsdóms Reykjavíkur. Uppfært 2. febrúar klukkan 08:30 Í fyrri útgáfu stóð að maðurinn hefði verið dæmdur fyrir tilraun til manndráps. Hann var ákærður fyrir það en sakfelldur fyrir stórfellda líkamsárás. Dómsmál Kynferðisofbeldi Reykjavík Hafnarfjörður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Bein útsending: Halla Hrund, Katrín og Baldur mætast í Pallborðinu Innlent Ákærð fyrir að kæfa son sinn með kodda Innlent Svandís boðar til blaðamannafundar Innlent „Mun ekki halla mér aftur og leyfa deyjandi sjónvarpsstöð að ráðast á mig“ Erlent Spellvirkinn lætur til skarar skríða á ný Innlent Heyrist meira af kjaftæði um lyf en vísindalegum staðreyndum Innlent Katrín efst en Jón hrynur í nýrri könnun Innlent „Fann það þegar ég vaknaði í morgun að þetta var lúmskt áfall“ Innlent Börn lögð inn með kíghósta Innlent Sautján greinst með kíghósta og inflúensan enn að dreifa sér Innlent Fleiri fréttir Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Bein útsending: Halla Hrund, Katrín og Baldur mætast í Pallborðinu Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans „Helvíti fínt“ að komast aftur á Papa's Pizza Ætlar ekki að þröngva sér upp á fólk Katrín efst en Jón hrynur í nýrri könnun Papa's Pizza, verkföll flugvallarstarfsmanna og óvæntur forsetaframbjóðandi Kolbeinn Sigþórsson ákærður fyrir brot gegn barnungri stúlku Framboð Viktors Traustasonar er gilt Hárgreiðslustóll ekki hættulegt tæki og konan fær engar bætur Afkoma borgarinnar versnar um níu milljarða króna milli ára Sjá meira
Maðurinn var sakfelldur fyrir að hafa ráðist að fyrrverandi unnustu sinni og sambýliskonu sinni með ofbeldi, hótunum og ólögmætri nauðung og haft samræði og önnur kynferðismök við hana, án hennar samþykkis, utandyra og inni í bifreið við verkstæði í Hafnarfirði. Þá var hann var einnig sakfelldur fyrir stórfellda líkamsárás gegn annarri konu síðar þennan sama dag. Leitaði skjóls hjá ókunnugum Hvað brotin gegn fyrri konunni varðaði var maðurinn ákærður fyrir tilraun til manndráps, nauðgun og stórfellt brot í nánu sambandi með því að hafa brotið rúðu í bíl, slegið konuna ítrekað höfuð og líkama, dregið hana út úr bílnum, hrint henni á malbikið, tekið hana ítrekað hálstaki og kverkataki, rifið í hár hennar, haldið hníf upp að hálsi hennar, þvingað hana til að liggja ofan á glerbrotum og hótað henni lífláti og líkamsmeiðingum, með því að segjast ætla að skera hana á háls og klippa af henni hárið. Á meðan á framangreindu stóð neyddi hann konuna til munnmaka, samræðis og endaþarmsmaka á meðan hún reyndi ítrekað að fá hann til að hætta. Fram kemur í dómi að maðurinn hafi neytt fíkniefna umræddan dag. Fram kemur að konan hafi flúið af vettvangi og leitað aðstoðar hjá ókunnugu fólki sem bjó í nágrenninu. Hún hafi verið með mikla líkamlega áverka og í miklu uppnámi samkvæmt framburði vitna. Við skoðun á neyðarmóttöku fundust áverkar víða á konunni. Fram kemur í skýrslu að hún hafi verið bólgin í andliti með glóðarauga á báðum augum en mun meira hægra megin, með bólgið nef og mar á vörum og hár í óreiðu og flækju að aftan. Þá var hún með marbletti á hálsi undir kjálkabörðum, mörg minni húðsár á fótum og stóra marbletti á báðum hnjám. Þá hafi hún verið miður sín og virkað hrædd og niðurbrotin. Þá segir í matsgerð læknis að allflestir áverkarnir séu ferskir, sem samræmist því að þeir hafi komið til aðfaranótt 1. ágúst 2022. Fram kemur að framburður konunnar fyrir dómi hafi verið stöðugur og trúverðugur og í samræmi við önnur gögn sem liggja fyrir í málinu, og þá sérstaklega frá neyðarmóttöku, bráðamóttöku og matsgerð réttarlæknis. Sagði konuna hafa samþykkt ofbeldið Maðurinn neitaði sök í málinu. Hann gaf þrisvar skýrslu við rannsókn málsins og var framburður hans í meginatriðum á sama veg en lýsingar hans á atvikum þóttu oft takmarkaðar. Byggði hann á því að samþykki konunnar hefði legið fyrir til kynmaka og hálstaks og að ofbeldi hefði annars verið hluti af kynmökum sem konan hefði samþykkt. Fram kemur í dómnum að framburður mannsins sé í litlu samræmi við þau gögn sem liggja fyrir. Þá hafi hann gefið takmarkaðar skýringar á ástandi konunnar. Þá hafi ekkert komið fram sem gat gefið manninum réttmæta ástæðu til að ætla að fyrir lægi samþykki konunnar til kynmaka eða fyrir því að hann beitti hana ofbeldi eða hótaði henni. Maðurinn hefur tvisvar sinnum áður verið sakfelldur fyrir ofbeldisbrot. Í niðurstöðu dómsins kemur fram að maðurinn eigi sér engar málsbætur; atlaga hans hafi verið einstaklega gróf, ófyrirleitin og langvinn en gögn benda til þess að samskipti hans og konunnar á vettvangi hafi staðið í rúmar tvær klukkustundir. Þá hafi brotið haft alvarlegar líkamlegar og andlegar afleiðingar fyrir konuna og með því hafi hann brotið gróflega gegn kynfrelsi hennar. Þá kemur fram að nauðgunin hafi verið „sérstaklega gróf og niðurlægjandi.“ Maðurinn var þó sýknaður af því að hafa gerst sekur um tilraun til manndráps og var brotið heimfært á varakröfu ákæruvaldsins, það er sérstaklega hættulega líkamsárás, nauðgun og stórfellt brot í nánu sambandi. Fimm ára fangelsi Maðurinn var einnig sakfelldur fyrir stórfellda líkamsárás gegn annarri konu sem einnig átti sér stað þann 1. ágúst 2022. Brotið átti sér stað í bíl. Maðurinn var ákærður fyrir að hafa slegið konuna ítrekuðum hnefahöggum í andlitið og í eitt skipti slegið hana í andlitið með olnboga, rifið í hár hennar, sparkað í andlit hennar, tekið hana hálstaki og þrengt að öndunarvegi hennar og dregið hana síðan út úr bifreiðinni. Maðurinn neitaði sök að öðru leyti en því að hafa slegið konuna einu sinni með krepptum hnefa í andlitið og ýtt henni. Tekið er fram í dómnum að maðurinn og konan sem um ræðir séu nú í nánu sambandi og hafi verið hittast um tíma þegar brotið átti sér stað. Með læknisvottorðum sem lágu fyrir og að hluta með framburði konunnar taldi dómurinn sannað að hún hefði hlotið umrædda áverka í samskiptum sínum við manninn. Sannað þótti að maðurinn hefði slegið hana ítrekuðum hnefahöggum í andlitið og sparkað einu sinni í andlit hennar en hann var öðru leyti sýknaður samkvæmt ákæru. Þótti hæfilega ákveðin refsing vera fangelsi í fimm ár en til frádráttar kemur óslitið gæsluvarðhald sem maðurinn hefur sætt frá 2. ágúst 2022. Dómur Héraðsdóms Reykjavíkur. Uppfært 2. febrúar klukkan 08:30 Í fyrri útgáfu stóð að maðurinn hefði verið dæmdur fyrir tilraun til manndráps. Hann var ákærður fyrir það en sakfelldur fyrir stórfellda líkamsárás.
Dómsmál Kynferðisofbeldi Reykjavík Hafnarfjörður Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Bein útsending: Halla Hrund, Katrín og Baldur mætast í Pallborðinu Innlent Ákærð fyrir að kæfa son sinn með kodda Innlent Svandís boðar til blaðamannafundar Innlent „Mun ekki halla mér aftur og leyfa deyjandi sjónvarpsstöð að ráðast á mig“ Erlent Spellvirkinn lætur til skarar skríða á ný Innlent Heyrist meira af kjaftæði um lyf en vísindalegum staðreyndum Innlent Katrín efst en Jón hrynur í nýrri könnun Innlent „Fann það þegar ég vaknaði í morgun að þetta var lúmskt áfall“ Innlent Börn lögð inn með kíghósta Innlent Sautján greinst með kíghósta og inflúensan enn að dreifa sér Innlent Fleiri fréttir Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Bein útsending: Halla Hrund, Katrín og Baldur mætast í Pallborðinu Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans „Helvíti fínt“ að komast aftur á Papa's Pizza Ætlar ekki að þröngva sér upp á fólk Katrín efst en Jón hrynur í nýrri könnun Papa's Pizza, verkföll flugvallarstarfsmanna og óvæntur forsetaframbjóðandi Kolbeinn Sigþórsson ákærður fyrir brot gegn barnungri stúlku Framboð Viktors Traustasonar er gilt Hárgreiðslustóll ekki hættulegt tæki og konan fær engar bætur Afkoma borgarinnar versnar um níu milljarða króna milli ára Sjá meira