Viðskipti innlent

Jóhann Ingi og Hrafn Leó til Orku náttúrunnar

Atli Ísleifsson skrifar
Hrafn Leó Guðjónsson og Jóhann Ingi Magnússon.
Hrafn Leó Guðjónsson og Jóhann Ingi Magnússon. ON

Jóhann Ingi Magnússon hefur verið ráðinn sem sölustjóri fyrirtækja- og einstaklingsmarkaða hjá Orku náttúrunnar. Þá hefur Hrafn Leó Guðjónsson tekið við starfi vörustjóra sama fyrirtækis. 

Þetta kemur fram í tilkynningu frá ON.Þar segir að Jóhann Ingi muni koma að mótun stefnu og stýra söluteymi fyrirtækisins.

„Jóhann Ingi er með MBA gráðu frá Háskóla Íslands en hann kemur frá bifreiðaumboðinu Heklu þar sem hann hefur m.a. starfað við vörumerkja- og sölustýringu á vörumerkjum fyrirtækisins. Jóhann hefur einnig starfað áður hjá Bílabúð Benna við sölu og vörustýringu.

Hrafn Leó Guðjónsson tekur við starfi vörustjóra Orku náttúrunnar. Þar mun hann koma að framþróun þjónustu sem tengist snjallmælum, orkuskiptum í samgöngum og nýjum lausnum. Hrafn Leó er með B.Sc. gráðu í rafmagnstæknifræði frá Háskólanum í Reykjavík en hann kemur frá Orkuveitu Reykjavíkur þar sem hann starfaði sem verkefnastjóri orkuskipta í samgöngum. Hrafn Leó leiddi einnig hugbúnaðar- og ferlaþróun Snjallmælavæðingar Veitna. Áður starfaði hann hjá Securitas sem sölustjóri og yfirmaður vöruþróunar,“ segir í tilkynningunni.

Vistaskipti Orkumál


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið