Flybe aftur farið á hausinn

Viktor Örn Ásgeirsson skrifar 28. janúar 2023 20:00

Flugfélagið hefur að miklu leyti flogið innanlands en Amsterdam og Genf hafa einnig verið meðal áfangastaða. EPA/PAUL MCERLANE

Breska flugfélagið Flybe er aftur farið á hausinn. Félagið hefur fellt niður allar flugferðir og strandaglópar eru í öngum sínum. Talið er að hundruð muni missa vinnuna.

Flugfélagið varð upphaflega gjaldþrota í mars árið 2020. Vandræði vegna kórónuveirunnar voru sögð endanleg orsök gjaldþrotsins.

Sjá einnig: Flybe farið á hausinn

Fyrirtæki í eigu bandarísks fjárfestingarsjóðs kom flugfélaginu til bjargar og hóf Flybe rekstur að nýju í apríl 2022. Áætlað var að fljúga 530 sinnum á viku til 23 áfangastaða. Háleit markmið gengu þó ekki eftir.

Bresk flugmálayfirvöld hafa beðið þá sem áttu bókað flug með félaginu að drífa sig ekki út á flugvöll. Leita þurfi til annarra flugfélaga en Flybe hefur heitið því að aðstoða viðskiptavini. Þá hefur breska lággjaldaflugfélagið Ryanair boðið fjölmörgum starfsmönnum Flybe vinnu. Guardian greinir frá.

Fréttir af flugi Bretland

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.