Grunsamlegar mannaferðir í Grafarvogi og erfiður strætófarþegi

Margrét Björk Jónsdóttir skrifar 24. janúar 2023 18:31

Tilkynnt var um innbrot í heimahúsi, fyrirtæki, geymslu og í gámi. Vísir/Vilhelm

Lögreglan á höfuðborgarsvæðinu sinnti fjölbreyttum verkefnum í dag. Tilkynningar um innbrot voru áberandi en önnur útköll tengdust meðal annars umferðaróhöppum, erfiðum strætófarþega og sofandi, heimilislausum manni í nýbyggingu.

Lögregla var kölluð til vegna óvelkomins aðila í heimahúsi í hverfi 105. Sá var horfinn á brott þegar lögreglu bar að. Þá var tilkynnt um heimilislausan mann sofandi í nýbyggingu í miðbænum. Samkvæmt tilkynningu frá lögreglu var hann „vakinn eftir góðan nætursvefn.“

Ekið var á gangandi vegfaranda sem hlaut minniháttar áverka. Einn rann til í hálku og hlaut áverka á fótlegg. Þá var tilkynnt um tilraun til innbrots í heimahúsi í Hafnarfirði og grunsamlegar mannaferðir í Grafarvogi. Lögregla var kölluð til vegna erfiðs farþega í strætó en ekki er útskýrt frekar í tilkynningu hvað fólst í því útkalli.

Þá var tilkynnt um innbrot í heimahúsi, fyrirtæki, geymslu og í gámi.

Reykjavík Lögreglumál Strætó

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.