Viðskipti erlent

Ríkasti maður heims gerir dóttur sína að for­stjóra Dior

Atli Ísleifsson skrifar
Delphine Arnault hefur verið aðstoðarforstjóri LVMH frá árinu 2013.
Delphine Arnault hefur verið aðstoðarforstjóri LVMH frá árinu 2013. Getty

Ríkasti maður heims, hinn franski Bernard Arnault, hefur skipað dóttur sína, Delphine Arnault, í embætti forstjóra tískuvöruhússins Dior. 

Arnault greindi frá þessu í gær, en forstjóraskiptin eru hluti af frekari hrókeringum innan LVMH sem metið er verðmætasta fyrirtæki Evrópu. Fyrirtækið á fjölda verðmætra vörumerkja, meðal annars Fendi og Louis Vuitton, og er nú metið á um 336 milljarða punda, um 59 þúsund milljarða króna.

Hin 47 ára Delphine Arnault tekur við forstjórastólnum hjá Dior af Pietro Beccari sem mun taka við framkvæmdastjórastólnum af Michael Burke hjá Louis Vuitton. Delphine Arnault hefur verið aðstoðarforstjóri LVMH frá árinu 2013.

Öll fimm börn Bernard Arnault skipa stjórnunarstöðum innan LVMH.

Bernard Arnault tók við titlinum sem ríkasti maður heims af Elon Musk í síðasta mánuði.

Frakkland Tíska og hönnun


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið