Stofnandi FTX lýsir yfir sakleysi

Ellen Geirsdóttir Håkansson skrifar 3. janúar 2023 21:58

Hér má sjá Bankman-Fried eftir réttarhöld dagsins. Getty/Anadolu Agency

Fallinn stofnandi rafmyntafyrirtækisins FTX, Sam Bankman-Fried sagðist fyrr í dag saklaus fyrir rétti í New York ríki í Bandaríkjunum.

Bankman-Fried hefur verið sakaður um söguleg fjársvik. Hann hefur verið ákærður það fyrrnefnda auk peningaþvættis og veitingu ólöglegra kosningaframlaga.

Fyrirtækið varð gjaldþrota í nóvember síðastliðnum en um svipað leyti bárust fregnir af því að viðskiptahættir þess væru til rannsóknar. Áhyggjur af stöðu fyrirtækisins leiddu til áhlaups og á þremur sólarhringum seldu viðskiptavinir rafmyntir sínar fyrir um 889 milljarða íslenskra króna.

Eignir FTX voru síðar frystar en fyrirtækið er sagt skulda fimmtíu stærstu kröfuhöfum búsins 441 milljarð íslenskra króna. Þá hafa viðskiptavinir fyrirtækisins stofnað til hóplögsóknar og freista þess nú að fá einhvern hluta eigna sinna til baka.

Fyrr í dag sagðist Bankman-Fried saklaus fyrir rétti í New York ríki og hefur dagur réttarhalda verið ákveðinn með fyrirvara en sá mun vera 2. október næstkomandi. Bankman-Fried er sagður ekki hafa ávarpað dómara þegar kom að því að lýsa yfir sekt eða sakleysi heldur hafi lögmannateymi hans séð um það. Þetta kemur fram í umfjöllun New York Times.

Þá er greint frá því að foreldrar Bankman-Fried hafi orði fyrir miklu aðkasti eftir fall FTX og hafi þeim borist yfirlýsingar frá fólki þar sem þess sé óskað að þau slasist ásamt öðru. Foreldrar hans eru bæði prófessorar við Stanford háskóla í Bandaríkjunum og skrifuðu undir skuldbindingu þess efnis að Bankman-Fried myndi mæta til réttarhalda í kjölfar þess að hann var látinn laus gegn himinhárri tryggingu.

Rafmyntir Gjaldþrot FTX Bandaríkin

Tengdar fréttir

Rafmyntarrisi rambar á barmi þrots

Gengi helstu rafmynta heims tók dýfu eftir að ljóst varð að FTX, ein af stærstu rafmyntarkauphöllum heims yrði ekki bjargað af keppinauti sínum. FTX er sagt ramba á barmi þrots í skugga frétta um að viðskiptahættir fyrirtækisins séu til rannsóknar hjá bandarískum yfirvöldum.

10. nóvember 2022 11:00

Frystu eignir FTX-rafmyntarkauphallarinnar

Hrakfarir rafmyntarkauphallarinnar FTX sem varð fyrir áhlaupi innistæðueigenda í vikunni halda áfram. Yfirvöld á Bahamaeyjum frystu eignir dótturfélags FTX og þá berast fréttir af því að bandarísk yfirvöld rannsaki möguleg lögbrot stofnanda félagsins.

11. nóvember 2022 08:54

FTX fer fram á endurskipulagningu og forstjórinn víkur

Rafmyntarfyrirtækið FTX óskaði eftir því að vera tekið til endurskipulagningar á grundvelli laga um gjaldþrot í Bandaríkjunum í dag. Þá var greint frá því að forstjórinn Sam Bankman-Fried hefði sagt af sér.

11. nóvember 2022 14:43

Fjárfestir í FTX stefnir Bankman-Fried, Bündchen, Curry og fleirum

Fjárfestir í rafmyntakauphöllinni FTX hefur stefnt fyrrverandi forstjóra og stofnenda hennar, Sam Bankman-Fried, og ellefu stjörnum sem auglýstu kauphöllina. Sá sem stefnir kauphöllinni segir þau kærðu hafa valdið því að fólk tapaði milljörðum dollara.

17. nóvember 2022 11:20

Segist aldrei hafa séð aðra eins óráðsíu og hjá FTX

Nýr forstjóri fallna rafmyntarfyrirtækisins FTX segist aldrei hafa séð aðra eins óstjórn og þá sem átti sér stað hjá félaginu. Hann átti engu að síður þátt í að greiða úr flækjunni eftir fall Enron sem er talið eitt subbulegasta gjaldþrot í sögu Bandaríkjanna.

17. nóvember 2022 22:11

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir