Íslandsbanki hækkar vexti

Atli Ísleifsson skrifar 16. desember 2022 16:26

Birna Einarsdóttir er bankastjóri Íslandsbanka. Vísir/Vilhelm

Íslandsbanki hefur ákveðið að hækka vexti frá og með mánudeginum 19. desember næstkomandi. Breytingarnar tala gildi í kjölfar vaxtaákvörðunar Seðlabanka Íslands þann 23. nóvember þar sem stýrivextir voru hækkaðir um 0,25 prósentustig, úr 5,75 prósent í sex prósent.

Á vef bankans kemur fram að rétt sé að vekja athygli á því að í skilmálum óverðtryggðra húsnæðislána með breytilegum vöxtum sem veitt hafi verið á tilgreindu tímabili á árunum 2012 til 2021, séu ákvæði sem heimila viðskiptavinum að sækja um vaxtagreiðsluþak.

Vaxtabreytingarnar eru eftirfarandi:

Vextir á óverðtryggðum innlánsreikningum hækka um allt að 0,25 prósentustig. Almennir veltureikningar haldast óbreyttir.
Breytilegir vextir óverðtryggðra húsnæðislána hækka um 0,25 prósentustig.
Breytilegir óverðtryggðir kjörvextir hækka um 0,25 prósentustig.
Breytilegir óverðtryggðir kjörvextir Ergo og vextir bílalána og bílasamninga hækka um 0,25 prósentustig.
Yfirdráttarvextir einstaklinga og fyrirtækja hækka um 0,25 prósentustig.

Breytingar á lánum sem falla undir lög um neytendalán eða lög um fasteignalán til neytenda taka þó gildi í samræmi við skilmála þeirra og tilkynningar þar að lútandi.

Breytingar á óverðtryggðum breytilegum vöxtum húsnæðislána taka gildi þann 1. janúar næstkomandi, segir á vef bankans.

Íslandsbanki Íslenskir bankar Fjármál heimilisins

Tengdar fréttir

Landsbankinn hækkar vexti

Vextir Landsbankans hækka frá og með 12. desember næstkomandi. Breytilegir vextir á óverðtryggðum íbúðalánum hækka um 0,25 prósentustig, sem og breytilegir vextir á verðtryggðum íbúðalánum.

9. desember 2022 15:04

Tíunda hækkunin í röð: Seðlabankinn hækkar stýrivexti um 0,25 prósentur

Peningastefnunefnd Seðlabanka Íslands hefur ákveðið að hækka vexti bankans um 0,25 prósentustig. Meginvextir bankans, vextir á sjö daga bundnum innlánum, fara því úr 5,75 prósent í sex prósent.

23. nóvember 2022 08:31

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir